بۇگىن - جەڭىس كۇنى
استانا. KAZINFORM - بۇگىن - ەكىنشى دۇنيەجۇزىلىك سوعىستا جاۋ اسكەرىن تۇپكىلىكتى تالقانداپ، جەڭىسكە جەتكەن كۇن. بيىل جەڭىسكە 80 جىل تولدى.
گەرمانيا اسكەرى ك س ر و اۋماعىنا شابۋىل جاساعان 1941 -جىلدىڭ 22 -ماۋسىمى ت م د ەلدەرىنىڭ رەسمي تاريحىندا 4 جىلعا سوزىلعان الاپات سوعىستىڭ باستالعان كۇنى بولىپ ەسەپتەلەدى.
جەڭىستى جاقىنداتۋعا قازاقستاننىڭ قوسقان ۇلەسى زور. 4 جىلدا قازاق دالاسىنان 1 ميلليون 200 مىڭنان استام قازاقستاندىق اتتاندى. ولاردىڭ تەڭ جارتىسى ۇيلەرىنە ورالمادى.
ال تىلدا قازاقستان شەشۋشى ءرول اتقاردى. اتاپ ايتقاندا، مايداندا اتىلعان ءار ون وقتىڭ توعىزى وتاندىق زاۋىتتاردا قۇيىلدى. 1500 ۆاگون ازىق- تۇلىك پەن كيىم- كەشەك جونەلتىلدى. جەڭىل ونەركاسىپ 2 ميلليون ساربازدى كيىممەن قامتاماسىز ەتتى.
حالىق قورعانىس قورىنا 4 ميلليون رۋبلدەن استام قاراجات اۋداردى.
1945 -جىلى ستۋدەنتتەر جيناعان قارجىعا جاساقتالعان تانك كولونناسى بەرليندى العان شايقاسقا قاتىستى.
2025 -جىلعى 5- مامىرداعى جاعداي بويىنشا قازاقستاندا ەكىنشى دۇنيەجۇزىلىك سوعىستىڭ 105 ارداگەرى جانە جەڭىسكە ۇلەس قوسقان باسقا ساناتتاعى 40707 ازامات تۇرادى.
7 -مامىر كۇنى ەلورداداعى «قازاق ەلى» الاڭىندا مەملەكەت باسشىسى - قازاقستان قارۋلى كۇشتەرىنىڭ جوعارعى باس قولباسشىسى قاسىم- جومارت توقايەۆتىڭ قاتىسۋىمەن جەڭىستىڭ 80 جىلدىعىنا ارنالعان اسكەري پاراد ءوتىپ، تاۋەلسىز قازاقستان ارمياسىنىڭ بۇگىنگى كۇش ايبىنى كورسەتىلدى.
بۇدان بۇرىن حابارلانعانداي، استانادا ەكىنشى دۇنيەجۇزىلىك سوعىس جەڭىستىڭ 80 جىلدىعىنا وراي 9 -مامىردا دەمەۋشىلىك قاراجات ەسەبىنەن ۇيىمداستىرىلاتىن مەرەكەلىك وتشاشۋ وتەدى.
ەسكە سالساق، ت م د ەلدەرىندە 2025 -جىل «جەڭىستىڭ 80 جىلدىعى جانە ناتسيزمگە قارسى كۇرەستەگى بىرلىك جىلى» دەپ جاريالاندى.
اۆتور
رۋسلان عابباسوۆ
