بىلتىر قازاقستان شەكاراسىندا 35 مىڭ ادام ۇستالعان

ۇلتتىق قاۋىپسىزدىك كوميتەتىنە قاراستى شەكارا قىزمەتى جىلدى قورىتىندىلادى، دەپ حابارلايدى Kazinform.

شەكارا كەڭىستىگىندە قازاقستان زاڭىن بۇزعان 35487 ادام ۇستالعان، سونىڭ ىشىندە 1094 شەتەل ازاماتى بار.

مەملەكەتتىك شەكارا ارقىلى زاڭسىز نارسە وتكىزۋدىڭ 8026 فاكتىسى تىركەلدى.

ونىڭ ىشىندە:

444 - ەسىرتكى، جالپى سالماعى 1 توننادان استام؛

389 - قارۋ-جاراق پەن وق-ءدارى (36 دانا اتۋ قارۋى، 986 دانا وق-دارىلەر، 4001 دانا سۋىق قارۋ، 125 ارنايى قۇرالدار)؛

279 - ءدىني ادەبيەت (7103 دانا)؛

3112 - جالپى سوماسى 213 ميلليون تەڭگەدەن اساتىن جانار-جاعارماي ماتەريالدارى (429107 ليتر)؛

2986 - جالپى سوماسى 12,4 ميلليارد تەڭگەدەن استام حالىق تۇتىناتىن تاۋارلار؛

816 - جالپى سوماسى 11,7 ميلليارد تەڭگەدەن استام ۆاليۋتانى زاڭسىز الىپ ءوتۋ فاكتىسىنىڭ الدى الىندى.

كاسپي اكۆاتورياسىندا 384 براكونەرلىك فاكتىسى تىركەلدى.

سونداي-اق جالپى ۇزىندىعى 738 ك م براكونەرلىك اۋلاۋ قۇرالدارى، 3463 دانا (20276 ك گ) بەكىرە بالىعى، 45332 دانا (67899 ك گ) ۇساق بالىق، 23250 دانا (10238 ك گ) شايان تاركىلەندى.

الدى الىنعان زالال سوماسى - 7 ميلليارد تەڭگەدەن اسادى.

بۇل فاكتىلەر بويىنشا ماتەريالدار قۇقىق قورعاۋ جانە سوت ورگاندارىنا جىبەرىلدى.