بيۋجەتكە ەڭ كوپ كىرىس اكەلەتىن 5 سالىق ءتۇرى بەلگىلى بولدى

جىل باسىنان بەرى مەملەكەتتىك بيۋجەتكە 12 تريلليون تەڭگەدەن استام سالىق جينالدى. مۇنى قازاقپارات ءتىلشىسىنىڭ ساۋالىنا جاۋاپ بەرگەن مەملەكەتتىك كىرىستەر كوميتەتى تالداۋ، ستاتيستيكا جانە تاۋەكەلدەردى باسقارۋ دەپارتامەنتىنىڭ ديرەكتورى مۇراتبەك مۋسين ايتتى.

«جىل باسىنان بەرى ءبىزدىڭ مەملەكەتتىك بيۋجەتكە سالىقتىق ناقتى تۇسىمدەر 12 تريلليون 112 ميلليارد تەڭگەنى قۇرادى. ونىڭ ىشىندە رەسپۋبليكالىق بيۋدجەتكە - 8 تريلليون 100 ميلليارد، ال جەرگىلىكتى بيۋجەتتەرگە 4 تريلليون 011 ميلليارد تەڭگە بولدى. ەندى ەڭ ءىرى سالىق تۇرلەرىنە توقتالساق، ولار: كورپوراتيۆتىك تابىس سالىعى، قوسىمشا قۇن سالىعى (يمپورت جانە ىشكى تاۋارلارعا)، كەدەندىك باج سالىعى، اكسيز، جەر قويناۋىن پايدالانعانى ءۇشىن الىناتىن تولەمدەر»، - دەپ قازاقپارات ءتىلشىسىنىڭ ساۋالىنا جاۋاپ قاتتى مۇراتبەك مۋسين.

قوسا كەتسەك، 2025-جىلدان باستاپ بانكتىڭ وپەراتسيالاردان تاپقان پايداسىنا سالىق سالىنادى.