بوزىمبايەۆ اتىراۋ ەكولوگياسىنا قاتىستى ءبىر ايدا ناقتى شەشىم قابىلداۋدى تاپسىردى

وعان سالالىق مينيسترلىكتەردەن، وبلىس اكىمدىگىنەن جانە ءىرى ونەركاسىپتىك كاسىپورىنداردان وكىلدەر قاتىستى.

جيىندا قارالعان نەگىزگى ماسەلەنىڭ ءبىرى - سۋ تۇتىنۋ كولەمىن ازايتۋ جانە كاسىپورىنداردى اينالما جانە كەرى پايدالانىلاتىن سۋمەن جابدىقتاۋ جۇيەسىنە كوشىرۋ. اتىراۋ مۇناي وڭدەۋ زاۋىتىندا جۇرگىزىلگەن جاڭعىرتۋ جۇمىستارىنىڭ ناتيجەسىندە اينالما سۋمەن جابدىقتاۋ جۇيەلەرىنىڭ سانى بىردەن التىعا كوبەيگەن. ءوندىرىس كولەمى ارتقانىنا قاراماستان، سوڭعى جىلدارى جايىق وزەنىنەن الىناتىن سۋ كولەمى جىلىنا 8,4 ميلليون تەكشە مەتردەن 6,6 ميلليون تەكشە مەترگە دەيىن ازايدى. الداعى ۋاقىتتا زاۋىت بۇل كورسەتكىشتى 4,6 ميلليون تەكشە مەترگە دەيىن قىسقارتۋعا مۇددەلى.

سونداي- اق كارىز تازارتۋ قۇرىلىستارىن رەكونسترۋكتسيالاۋ جانە الداعى ۋاقىتتا بۋلانۋ الاڭدارىن، ونىڭ ىشىندە «ساسىقساي» اۋماعىن پايدالانۋ ماسەلەلەرى قارالدى.

قانات بوزىمبايەۆ ءبىر اي ىشىندە سول جانە وڭ جاعالاۋداعى كارىز تازارتۋ قۇرىلىستارى مەن «ساسىقساي» الاڭىنا قاتىستى ناقتى شەشىمدەر شىعارۋدى تاپسىردى.

- اتموسفەرالىق اۋانىڭ ساپاسى مەن ەكولوگيالىق مونيتورينگ ماسەلەلەرىنە دە ايرىقشا نازار اۋدارىلدى. قازىرگى تاڭدا «قازگيدرومەت» دەرەكتەرى، NCOC ەكولوگيا بەكەتتەرى مەن «ا م ءو ز» قۇرىلعىلارىنان الىناتىن مالىمەتتەر ورتاق جۇيەگە بىرىكتىرىلمەگەن. وسىعان بايلانىستى دەرەكتەردى اۆتوماتتى تۇردە ينتەگراتسيالاۋ جوسپارىن ازىرلەۋ جانە ونەركاسىپتىك نىساندارداعى باقىلاۋ قۇرالدارىنىڭ جەلىسىن كەڭەيتۋ جونىندە تاپسىرما بەرىلدى، - دەلىنگەن حابارلامادا.

بۇدان بولەك، كاسپي تەڭىزىنىڭ تايازدانۋى، جەردىڭ توزۋى جانە ونەركاسىپتىك كاسىپورىنداردىڭ سانيتاريالىق- قورعاۋ ايماقتارىنىڭ جاي- كۇيى دە تالقىلاندى.

قانات بوزىمبايەۆ وتاندىق جانە شەتەلدىك ساراپشىلاردى، ەكولوگتار مەن سالا ماماندارىن تارتا وتىرىپ، جۇمىس توبىن قۇرۋ تۋرالى پارمەن بەردى. ولار ءبىر اي ىشىندە ەكولوگيالىق قاۋىپسىزدىك، اتموسفەرالىق اۋانىڭ مونيتورينگى، سۋدى ءتيىمدى پايدالانۋ، تازارتۋ قۇرىلىستارىن جاڭعىرتۋ جانە تەحنوگەندىك جۇكتەمەنى ازايتۋ باعىتتارىن قامتيتىن جول كارتاسىن ازىرلەۋى ءتيىس.

جيىن بارىسىندا اۋىل تۇرعىندارىنىڭ تابىسىن ارتتىرۋعا، كاسىپكەرلىكتى دامىتۋعا جانە جاڭا جۇمىس ورىندارىن اشۋعا باعىتتالعان «اۋىل اماناتى» جوباسىنىڭ ىسكە اسىرىلۋ بارىسى دا قارالدى.

اتىراۋ وبلىسىندا جوبا باياۋ ىسكە اسىپ جاتقانى ايتىلدى. 2025 -جىلعا بولىنگەن قاراجاتتىڭ 72,6%- ى يگەرىلگەن. 2026 -جىلعى مامىردا قوسىمشا قارجى بولىنگەن، سوعان قاراماستان وبلىستا بۇگىنگە دەيىن بىردە- ءبىر جوبا ماقۇلدانباعان جانە ءبىر تەڭگە دە يگەرىلمەگەن.

- بۇعان دەيىن بەرىلگەن تاپسىرمالارعا قاراماستان، وڭىردەگى جۇمىستىڭ قارقىنى ءالى دە تومەن. بۇل جاۋاپتى لاۋازىمدى تۇلعالاردىڭ ءوز مىندەتىن ءتيىستى دەڭگەيدە ورىنداماي وتىرعانىن جانە جوباعا جەتكىلىكتى كوڭىل بولىنبەيتىنىن كورسەتەدى، - دەدى قانات بوزىمبايەۆ.

وبلىس اكىمدىگىنە 2026 -جىلعا بولىنگەن قاراجاتتى تولىق ءارى ۋاقىتىندا يگەرۋدى جانە جوبالاردى بەلگىلەنگەن مەرزىمدە ساپالى ىسكە اسىرۋدى قامتاماسىز ەتۋ تاپسىرىلدى.

ۇلتتىق ەكونوميكا مينيسترلىگىنە بۇل ماسەلەنى قاتاڭ باقىلاۋعا الۋ جۇكتەلدى. قازاننىڭ قورىتىندىسى بويىنشا قاراجاتتى يگەرۋ قارقىنى تومەن بولسا، وسى باعىتقا جەتەكشىلىك ەتەتىن ساياسي مەملەكەتتىك قىزمەتشىنى تارتىپتىك جاۋاپكەرشىلىككە تارتۋ تۋرالى ۇسىنىس ەنگىزىلەدى.

الەۋمەتتىك- كاسىپكەرلىك كورپوراتسيانىڭ جۇمىسى دا جەكە قارالدى. قانات بوزىمبايەۆ كورپوراتسيا جۇمىسىن جۇيەلەۋدى جانە جوباعا قاتىسۋشىلاردان تالاپ ەتىلەتىن قۇجاتتار سانىن ازايتىپ، ارتىق بيۋروكراتيالىق راسىمدەردى قىسقارتۋدى تاپسىردى.

كەڭەيتىلگەن وتىرىستا وڭىرلىك ستاندارتتار جۇيەسى بويىنشا جوسپارلى كورسەتكىشتەردىڭ ورىندالماۋ سەبەپتەرى جانە وڭىرلەر اراسىنداعى الشاقتىقتىڭ ساقتالۋى دا تالقىلاندى.

وڭىرلىك ستاندارتتار جۇيەسى حالىقتىڭ ءومىر ءسۇرۋ ساپاسى مەن نەگىزگى الەۋمەتتىك جانە ينفراقۇرىلىمدىق قىزمەتتەردىڭ قولجەتىمدىلىگىن باعالايدى.

اتىراۋ وبلىسىنىڭ اكىمدىگىنە وڭىرلىك ستاندارتتار جۇيەسى اياسىندا دامۋ قارقىنى تومەن باعىتتارعا بيۋدجەت قاراجاتىن بولۋدە باسىمدىق بەرۋ جۇكتەلدى.

ەگەر جۇمىس نەگىزسىز سوزىلاتىن بولسا، جاۋاپتى لاۋازىمدى تۇلعالاردىڭ ارەكەتىنە ءتيىستى باعا بەرىلمەك.

ەسكە سالا كەتەيىك، قىركۇيەكتىڭ باسىندا اتىراۋ تۇرعىندارى قالانى جايلاعان وتكىر يىسكە شاعىمدانعان بولاتىن.

كەيىن اتىراۋ وبلىسى بويىنشا ەكولوگيا دەپارتامەنتى اتىراۋ مۇناي وڭدەۋ زاۋىتىنا جوسپاردان تىس تەكسەرىستى باستادى.

اۋا مونيتورينگى بارىسىندا كەيبىر بەكەتتەردە لاستاۋشى زاتتاردىڭ شوعىرلانۋى تىركەلدى. قالاداعى اۋا ساپاسىنا قاتىستى ماسەلە اسىرەسە كۇكىرتتى سۋتەگىنىڭ جوعارى كونتسەنتراتسياسىمەن بايلانىستى بولىپ وتىرعانى بەلگىلى بولعان ەدى.