«بوزوق» قالاشىعى: قورىق-مۋزەيدى سالۋ جۇمىسى قالاي ءجۇرىپ جاتىر
استانا. KAZINFORM - ەلورداداعى ۇلتتىق اكادەميالىق كىتاپحانادا وتكەن عىلىمي- كونفەرەنتسيادا «بوزوق» مۋزەي- قورىعىن سالۋ جۇمىستارىنىڭ قالاي ءجۇرىپ جاتقانى ايتىلدى.
- ەجەلگى «بوزوق» قالاشىعى 1999 -جىلدان 2015 -جىلعا دەيىن قازىلىپ بولدى. ەندى ونى كونسەرۆاتسياعا سالىپ قويدىق، ەندى ول قازىلمايدى. قازىرگى تاڭدا قورىق-مۋزەي اۋماعى 412 گەكتار جەر، ول تولىعىمەن قورشالدى. وڭتۇستىك جانە سولتۇستىك پورتالى سالىنىپ بولدى. بيىل ۆيزيت-ورتالىعىنىڭ قۇرىلىسى باستالعالى تۇر. قازىرگى تاڭدا سونىڭ قۇجاتتارى جوندەلىپ جاتىر. ول ورتاعاسىرلىق قالا ۇلگىسىندە سالىنادى، - دەدى «بوزوق» مۋزەي-قورىعىنىڭ ەسكەرتكىشتەردى ساقتاۋ ءبولىمىنىڭ جەتەكشىسى جانبولات قازانبايەۆ.
«بوزوق» مۋزەي-قورىعى ديرەكتورىنىڭ ورىنباسارى الىشەر بەسپالينوۆتىڭ ايتۋىنشا، وڭتۇستىك پورتالدىڭ ۇزىندىعى 140، سولتۇستىك پورتالدىڭ ۇزىندىعى 120 مەتر. سونداي- اق ۇزىندىعى 8,7 ك م قورشاۋ سالىنعان.
- قۇرىلىس جۇمىستارىنىڭ ءبىرىنشى كەزەڭىن جۇزەگە اسىرۋعا 6,5 ميلليارد تەڭگە ءبولىندى. وعان ينجەنەرلىك كوممۋنيكاتسيالار تارتۋ، اسفالت-بەتون توسەۋ، اباتتاندىرۋ، پورتالداردى جانە قورشاۋ سالۋ كىرەدى. ءبىرىنشى كەزەڭ 2027 -جىلى اياقتاۋ جوسپارلانعان. ال جالپى جوبا قۇرىلىسى 2029 -جىلى اياقتالادى، - دەدى ول.
سپيكەردىڭ ايتۋىنشا، وتكەن جىلدىڭ قورىتىندىسى بويىنشا 150 مىڭداي ادام «بوزوقتى» ونلاين جانە وففلاين فورماتتا تاماشالاعان.
ەسكە سالساق، «بوزوق» ۇلتتىق پاركىنىڭ قۇرىلىسى 2022 -جىلى باستالدى.
ال «بوزوق» مەملەكەتتىك تاريحي-مادەني قورىعىن دامىتۋ بويىنشا بىرلەسكەن جوسپارعا 2019 -جىلى قول قويىلعان بولاتىن.
