بولليۆۋد جۇلدىزى سايف الي حاندى ءوز ۇيىندە پىشاقتاپ كەتتى
استانا. قازاقپارات - 54 جاستاعى اتاقتى بولليۆۋد اكتەرى سايف الي حاندى ءوز ۇيىندە پىشاقتاپ كەتكەن. بۇل تۋرالى ВВС حابارلادى.

وقيعا 16-قاڭتارعا قاراعان ءتۇنى بولعان. بەلگىسىز بىرەۋ اكتەر سايف الي حاننىڭ ءۇيىن توناپ كەتكەن. مۇنى بىلگەن قىزمەتشى ونى توقتاتپاق بولىپ، توبەلەسىپ قالعان.
جانجالعا اكتەر ارالاسىپ، ەر ادامدى ۇستاماق بولعان كەزدە ول سايف الي حانعا شابۋىل جاساعان. وعان التى رەت پىشاق سۇعىلعان. اكتەردىڭ ومىرتقاسى مەن موينىنا زاقىم كەلگەن.
- قازىرگى ۋاقىتتا تەرگەۋ امالدارى جۇرگىزىلىپ جاتىر، - دەلىنگەن حابارلامادا.
وقيعا كەزىندە ۇيدە 54 جاستاعى اكتەردەن بولەك ونىڭ 44 جاستاعى ايەلى، اكتريسا كارينا كاپۋر حان مەن ولاردىڭ 7 جانە 3 جاسار ۇلى بولعان. بالالارى مەن ايەلى زارداپ شەككەن جوق، ءبىراق شابۋىلدان كينوجۇلدىزدىڭ ءۇش قىزمەتكەرىنىڭ ءبىرى دە جارالانعان.
اۆتور
جاراسقان نۇرىبايەۆ