بولگارياداعى ساياسي تۇراقسىزدىق ەۋروپالىق وداقتاعى جاعدايدى قيىنداتادى
استانا. KAZINFORM - بولگارياداعى ساياسي تۇراقسىزدىق تۇتاستاي العاندا ەۋروپالىق وداقتاعى جاعدايدى قيىنداتادى.
دۇيسەنبىدە مەرزىمىنەن بۇرىن سايلاۋ وتكىزۋ تۋرالى حابارلانعاننان كەيىن بولگاريادان ەۋروكوميسسار تاعايىنداۋ تۋرالى سۇراقتار تۋىندايدى، ونىڭ كانديداتۋراسى ايدىڭ سوڭىندا ۇسىنىلۋى كەرەك، دەپ جازادى euronews.com.
- مەن ەۋروپالىق وداقتا باستالعان سايلاۋ تارتىستارى كوميسساردىڭ تاڭداۋىنا اسەر ەتەدى دەپ كۇتەمىن. مەنىڭ ويىمشا، قازىرگى ەۋروكوميسسار مەن ليانا يۆانوۆانىڭ كانديداتۋراسى قايتادان ۇسىنىلۋى مۇمكىن، - دەدى بولگاريانىڭ سىرتقى ىستەر ءمينيسترىنىڭ بۇرىنعى ورىنباسارى ميلەن كەرەمەدچيەۆ.
تاعى ءبىر وزەكتى ماسەلە - بولگاريانىڭ ەۋروايماققا كىرۋى. سوفيا 2025 -جىلى ءبىرتۇتاس ەۋروپالىق ۆاليۋتاعا قوسىلۋعا نيەتتى، ءبىراق جالعاسىپ جاتقان ساياسي داعدارىس بۇنى جوققا شىعارادى.
- بولگاريا ءۇشىن جوسپار 2025 -جىلدىڭ 1-قاڭتارىندا ەۋروايماققا قوسىلۋ بولدى. قازىر بۇل قيسىنسىز ماقسات بولىپ كورىنەدى، ويتكەنى ءبىز ەۋروپالىق كوميسسيادان ءالى وڭ ەسەپ العان جوقپىز. ينفلياتسيانىڭ ماقساتىنا قول جەتكىزىلمەدى جانە ۋاقىتشا ۇكىمەتتىڭ بۇل سانداردى باقىلاۋعا الۋ ءۇشىن ساياسي ەرىك- جىگەرى بولۋى ەكىتالاي، - دەيدى بەرليندەگى كارنەگي ورتالىعىنىڭ اعا عىلىمي قىزمەتكەرى ديميتار بەچيەۆ.
بولگاريانىڭ كوۆيد-19 پاندەمياسىنان كەيىن ەكونوميكانى قالپىنا كەلتىرۋگە بولىنگەن ەۋروپالىق قاراجاتتى الۋى ەكىتالاي، ويتكەنى بۇل قارجىلاندىرۋدى ءبولۋ ءۇشىن ءبىرقاتار شارتتار ورىندالۋى كەرەك.
اۆتور
ەركەجان سماعۇلوۆا
