بەت-ءجۇزىن تۇمشالاپ جۇرەتىن ادامداردىڭ ەسەبىن جۇرگىزبەيمىز - مادەنيەت جانە اقپارات مينيسترلىگى
استانا. KAZINFORM - مەملەكەت باسشىسى بيىل ۇلتتىق قۇرىلتاي وتىرىسىندا ۇلتتىق كيىمدى جان-جاقتى دارىپتەۋ تۋرالى ايتا كەلە، بەت-ءجۇزدى تۇمشالايتىن قارا كيىمگە قاتىستى ويىن ورتاعا سالدى.
وسى ورايدا Kazinform اگەنتتىگى مادەنيەت جانە اقپارات مينيسترلىگىنە ساۋال جولداپ، اتالعان ماسەلەنى كوتەرگەن ەدى.
- قوعامدا قارا جامىلىپ كيىنەتىن ازاماتتار بار، بۇل ماسەلەنى قالاي شەشپەكسىزدەر؟ بەت- ءجۇزىپ تۇمشالاپ قارا كيىنگەن ازاماتتاردىڭ ەسەبى جۇرگىزىلە مە؟ ولارعا شەكتەۋ قويىلۋى مۇمكىن بە؟ - دەگەن ساۋال جولدادىق ۆەدومستۆوعا.
- مينيسترلىك بەت-ءجۇزىن تۇمشالاپ قارا كيىم كيەتىن ادامداردىڭ ءتىزىمىنىڭ ەسەبىن جۇرگىزبەيتىنىنە نازار اۋدارامىز. سونداي-اق، اشىق اقپارات كوزدەرىنەن قازاقستان رەسپۋبليكاسى پارلامەنتى دەپۋتاتتارىنىڭ بەت-الپەتتى تولىعىمەن جاۋىپ تۇراتىن ءدىني كيىمدەرگە تىيىم سالۋعا قاتىستى پىكىر بىلدىرگەنى بەلگىلى. بۇدان باسقا، ءتيىستى زاڭنامانى جەتىلدىرۋ بارىسىندا ءسىزدىڭ تاراپىڭىزدان قويىلعان سۇراقتار ەسكەرىلەتىنىن اتاپ وتەمىز، - دەگەن مينيسترلىكتەن رەسمي ساۋالعا جاۋاپ الدىق.
ەسكە سالا كەتسەك، ەلىمىزدە سوڭعى جىلدارى حيدجاب ماسەلەسى ءجيى تالقىلانىپ ءجۇر. سەنات پەن ءماجىلىس دەپۋتاتتارى دا ەلىمىزدە دەسترۋكتيۆتى ءدىني اعىمدار قارقىندى جۇمىس جۇرگىزىپ جاتقانىن ايتىپ، دابىل قاقتى. وسى ماسەلەنى Kazinform ءتىلشىسى زەردەلەپ كورگەن ەدى.
ايتا كەتسەك، بيىل بۋرابايدا وتكەن ۇلتتىق قۇرىلتايدا مەملەكەت باسشىسى قاسىم-جومارت توقايەۆ بولمىسىمىزدىڭ ماڭىزدى كورىنىسى ۇلتتىق كيىمدى جان-جاقتى دارىپتەۋ كەرەكتىگىن ايتقان ەدى.
- بەت-ءجۇزدى تۇمشالايتىن قارا كيىمنەن گورى ءوزىمىزدىڭ ۇلتتىق كيىمدەرىمىز الدەقايدا ارتىق، - دەدى پرەزيدەنت.
ەسكە سالا كەتەيىك، شۆەيتساريادا پارانجا مەن نيكاب كيۋگە تىيىم سالىندى.
