بۇرىنعى يندۋستريا ۆيتسە-مينيسترىنە قاتىستى سوت ۇكىمى شىقتى

استانا قالاسىنىڭ سوتى بۇرىنعى يندۋستريا جانە ينفراقۇرىلىمدىق دامۋ ۆيتسە-ءمينيسترى تيمۋر توقتابايەۆقا ۇكىم شىعاردى، دەپ حابارلايدى Kazinform.

وعان لاۋازىمدىق وكىلەتتىگىن تەرىس پايدالاندى دەگەن ايىپ (ق ك 361-بابى 4-بولىگى 3-تارماعى) تاعىلعان ەدى.

سوتتىڭ حابارلاۋىنشا، ايىپتالۋشى لاۋازىمدىق وكىلەتتىگىن اسىرا پايدالانىپ، تىكەلەي كەلىسسوزدەر جۇرگىزگەندە مينيسترلىك اتىنان قوستاناي وبلىسىنداعى كەن ورنىندا قاتتى پايدالى قازبالاردى بارلاۋعا ءوزى جەتەكشىلىك ەتەتىن اق- مەن كەلىسىمشارت جاساسقان. كەلىسىمشارت ەنشىلەس «س» ج ش س- نە جەر قويناۋىن پايدالانۋ قۇقىعىن ودان ءارى زاڭسىز بەرۋدى كوزدەگەن. بۇل ج ش س- دە سەنىمدى تۇلعا رەتىندە ونىڭ %20 ۇلەسى بولدى.

ال اتالعان كەن ورنىندا بۇرىن نيكەل-كوبالت كەندەرىنىڭ ونەركاسىپتىك قورى اشىلىپ، «گ» ج ش س- مەن ءوندىرۋ بويىنشا كەلىسىمشارت بۇزىلعان بولاتىن. كەن ورنى ونەركاسىپتىك ساناتتا بەكىتىلگەن بالانستىق قورلارى بار نىسان رەتىندە وندىرۋگە كەلىسىمشارت نەمەسە ليتسەنزيا جاساۋ ءۇشىن اۋكتسيونعا شىعارىلۋى قاجەت بولعان، بۇل اۋكتسيوننان كەيىن مەملەكەت بيۋجەتىنە 40,6 ميلليارد تەڭگەدەن استام قوماقتى ءتۇسىم بولۋى كەرەك ەدى.

كەيىنىرەك ۆيتسە-مينيستر «س» ج ش س جارعىلىق كاپيتالىنداعى وسى %20 ۇلەستى ءۇشىنشى تۇلعالارعا ساتقان. ونىڭ %10 ى 425 ميلليون تەڭگەگە ساتىلعان. اتالعان قىلمىستىق ارەكەت سالدارىنان مەملەكەتتىك باسقارۋ ورگاندارىنىڭ زاڭمەن رەتتەلگەن قالىپتى قىزمەتى بۇزىلعان.

ۆيتسە-مينيستر «ك» ا ق- نا بالانستىق ونەركاسىپتىك قورى 5,5 تريلليون تەڭگەدەن اساتىن كەن ورنىن بارلاۋعا زاڭسىز بەرگەن. «ك» ا ق ودان ءارى كەلىسىمشارت جاساسۋدى كوزدەپ، «س» ج ش س- عا جەر قويناۋىن پايدالانۋ قۇقىعىن بەرگەن.

پروكۋرور سوتتالۋشىنى كىنالى دەپ تانۋدى جانە 7 جىل باس بوستاندىعىنان ايىرۋدى سۇرادى.

سوتتالۋشى كىناسىن مويىندامادى جانە سوتتان اقتاۋدى سۇرادى.

ءوز كەزەگىندە سوت ايىپتالۋشىنىڭ جاس بالالارىن قىلمىستىق جاۋاپكەرشىلىك پەن جازانى جەڭىلدەتەتىن جاعداي رەتىندە ەسكەردى. ال اۋىرلاتاتىن جايت قابىلداعان انتتى بۇزۋ.

361-باپتىڭ 4-بولىگىنىڭ سانكتسياسى 7 جىلعا دەيىن باس بوستاندىعىن شەكتەۋ نەمەسە ايىرۋ جازاسىن قاراستىرادى.

سوتتالۋشى لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تانىلدى. مۇلكى تاركىلەنىپ، مەملەكەتتىك قىزمەت اتقارۋ قۇقىعىنان ءومىر بويىنا جانە 7 جىلعا باس بوستاندىعىنان ايىرىلدى.

ۇكىم ءالى زاڭدى كۇشىنە ەنگەن جوق.

ت. توقتابايەۆ 1981-جىلى دۇنيەگە كەلگەن.

2011-جىلدان باستاپ قر يندۋستريا جانە ينفراقۇرىلىمدىق دامۋ مينيسترلىگىندە جۇمىس ىستەگەن.

جەر قويناۋىن پايدالانۋ دەپارتامەنتى ديرەكتورىنىڭ ورىنباسارى، ديرەكتورى (2011-2016 ج. ج.)، ەتيكا جونىندەگى ۋاكىلەتتى وكىل (2016 ج.)، ۆيتسە-مينيستر (2016-2019 ج.ج.) قىزمەتتەرىن اتقارعان. وعان دەيىن «تاۋ-كەن سامۇرىق» ۇلتتىق تاۋ-كەن كومپانياسى» ا ق- دا، ق ر ەنەرگەتيكا جانە مينەرالدى رەسۋرستار مينيسترلىگىندە، «قازگەوينفورم» گەولوگيالىق مالىمەتتەر ورتالىعىندا جانە ت. ب. قىزمەت ەتكەن.