بەرىك ءۋالي پرەزيدەنت وكىلەتتىگىنىڭ اياقتالۋ مەرزىمىنە قاتىستى قاۋەسەتتى جوققا شىعاردى
بۇگىن ءبىرقاتار شەتەلدىك ب ا ق قاسىم-جومارت توقايەۆتىڭ وكىلەتتىگى 2026 -جىلى اياقتالاتىنىن اتاپ ءوتتى.
ق ر پرەزيدەنتىنىڭ كەڭەسشىسى - پرەزيدەنتتىڭ باسپاءسوز حاتشىسى بەرىك ءۋالي وسىعان قاتىستى تۇسىنىكتەمە بەردى. Kazinform بۇل تۋرالى Qazaqstan ۇلتتىق تەلەارناسىنا سىلتەمە جاساپ حابارلايدى.
«بىزدەگى ناقتى جاعدايمەن تانىس ەمەس كەيبىر جۋرناليستىڭ اراسىندا تۇسىنبەۋشىلىك تۋىنداعان. شىن مانىندە، مەملەكەت باسشىسى «egemen Qazaqstan» گازەتىنە بەرگەن سۇحباتىندا كونستيتۋتسيانى وزگەرتۋ جانە كەلەسى سايلاۋعا قاتىسۋ ماقساتىندا 2026-جىلى رەفەرەندۋم دايىنداۋ تۋرالى بولجامداردى جوققا شىعاردى. پرەزيدەنت 2022-جىلدىڭ قاراشاسىندا جەتى جىلدىق مەرزىمگە سايلانعانى بەلگىلى. كونستيتۋتسياعا سايكەس، ونىڭ وكىلەتتىگى 2029-جىلدىڭ قاراشاسىندا اياقتالادى. سونىمەن قاتار قاسىم-جومارت توقايەۆ بۇعان دەيىن پرەزيدەنتتىك وكىلەتتىكتەردى جەتى جىلدىق مەرزىمگە شەكتەۋدى ۇسىندى»،-دەپ جاۋاپ بەردى ب. ءۋالي.
