«بۋراباي» ۇلتتىق پاركىندە ۋىلدىرىق الۋ ءۇشىن اق بالىق تۇقىمداس بالىقتار اۋلانباقشى

كوكشەتاۋ. KAZINFORM - «بۋراباي» م ۇت پ 2024 -جىلعى 11-قاراشا مەن 30 -جەلتوقسان ارالىعىندا شورتاندى كولىنەن اقبالىق تۇقىمداس پايدابالىق (پەلياد) جانە ريپۋس (كوكشۇبار) بالىقتارى كوبەيتۋ ءۇشىن اۋلاناتىنىن حابارلادى.

بالىق اۋلاۋدى «بۋراباي» م ۇ ت پ جانۋارلار دۇنيەسىن قورعاۋ جانە ءوسىمىن مولايتۋ ءبولىمىنىڭ قىزمەتكەرلەرى جۇزەگە اسىرادى. ولاردىڭ ۋىلدىرىعى زەرەندىدەگى بالىق شارۋاشىلىعى كاسىپورنىندا ينكۋباتسيالانىپ، كەيىن مايشاباقتار ۇلتتىق پارك اۋماعىنداعى كوزدەردىڭ ايدىنىنا جىبەرىلەدى.

«بۇل ءىس-شارا ق ر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «ە ق ت ا- دا بالىق اۋلاۋ كولەمىن بەكىتۋ تۋرالى» 2024 -جىلعى 4 -شىلدەدەگى № 27-4/174 ن ق بۇيرىعى نەگىزىندە، سونداي-اق ۇلتتىق پارك ءۇشىن بالىق شارۋاشىلىعى قازعزي سولتۇستىك فيليالىنىڭ ماماندارى ازىرلەگەن بيولوگيالىق نەگىزدەمەگە سايكەس ۇيىمداستىرىلىپ وتىر»، - دەلىنگەن «بۋراباي» م ۇ ت پ حابارلاماسىندا.

سونداي-اق، 11- قاراشادان 11- جەلتوقسانعا دەيىن «بۋراباي» م ۇ ت پ كولدەرىندە قاۋىپسىز قالىڭ مۇز جامىلعىسى پايدا بولعانعا دەيىن سپورتتىق- اۋەسقويلىق بالىق اۋلاۋعا جولداما ساتۋ توقتاتىلاتىنى حابارلاندى. بۇل جازاتايىم وقيعالاردى بولدىرماۋ ءۇشىن قاجەت. اۋا-رايىنا بايلانىستى بالىق اۋلاۋعا تىيىم سالۋ مەرزىمى ۇزارتىلۋى مۇمكىن.

اۆتور
باقىتگۇل اباي قىزى