«بۋراباي» پاركىنىڭ اۋماعىنا كولىكپەن كىرۋدىڭ تاريفى قانشا

استانا. KAZINFORM - پرەزيدەنت ءىس باسقارماسى «بۋراباي» مەملەكەتتىك ۇلتتىق تابيعي پاركىنىڭ اۋماعىندا كورسەتىلەتىن قىزمەتتەردىڭ تاريفى تۋرالى بۇيرىق جوباسىن كوپشىلىك تالقىلاۋىنا شىعاردى.

كولىككە پارك اۋماعىنان تۇراق بەرۋ قۇنى ءبىر ساعاتقا 150 تەڭگە دەپ كورسەتىلگەن. ال پارك اۋماعىنا جەڭىل كولىكپەن كىرۋدىڭ قۇنى 0,4-ايلىق ەسەپتىك كورسەتكىش (1476 تەڭگە- رەد. ) دەپ بەلگىلەنبەك. كىرۋ اقىسى 16 ورىندىق اۆتوبۋستار ءۇشىن 1 ا ە ك (3 692 تەڭگە)، 16-32 ورىندىق اۆتوبۋستار ءۇشىن 2 ا ە ك (7384 تەڭگە)، 32-دەن ارتىق جولاۋشىعا ارنالعان اۆتوبۋستار ءۇشىن 3 ا ە ك (11076 تەڭگە) بولاتىنى ايتىلعان.

سونداي-اق، قۇجاتتا پارك اۋماعىندا قىزمەت كورسەتۋ ورىندارىن جالداۋ اقىسىنا بايلانىستى تاريفتەر دە جاريالانعان.

پاركتىڭ كۇزەتىلەتىن ايماعىمەن شەكارادا تۇراتىن تۇرعىنداردىڭ، زەينەتكەرلەر مەن مۇگەدەكتىگى بار ادامداردىڭ، ەكىنشى دۇنيەجۇزىلىك سوعىس ارداگەرلەرى مەن وعان تەڭەستىرىلگەندەردىڭ، باسقا مەملەكەتتەر اۋماعىنداعى اسكەري قيمىلدار ارداگەرلەرىنىڭ، ءتيىستى تانۋ بەلگىلەرى بار تجم، ءىىم، اسكەري پوليتسيا، ۇقك كولىكتەرى، ەلەكتروموبيلدەر «بۋراباي» م ۇ ت پ اۋماعىنا كىرۋ اقىسىنان بوساتىلادى.

ايتا كەتەيىك، بيىل 8-شىلدەدە مەملەكەت باسشىسى «ق ر كەيبىر زاڭنامالىق اكتىلەرىنە ەرەكشە قورعالاتىن تابيعي اۋماقتار جانە ەلەكتر ەنەرگەتيكاسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. بۇل وزگەرىستەرگە بايلانىستى الماتى وبلىسىنىڭ اۋماعىندا ۇلتتىق تابيعي پاركتەردىڭ باسشىلارى پىكىر ءبىلدىردى.

اۆتور

ەسىمجان ناقتىباي