بەكتەنوۆ تاۋ-كەن الپاۋىتتارىنىڭ اينالاسىندا ورتا بيزنەس بەلدەۋىن ۇيىمداستىرۋدى تاپسىردى
استانا. KAZINFORM - پرەمەرمينيستر ولجاس بەكتەنوۆ ۇكىمەت وتىرىسىندا تاۋ- كەن سالاسىنداعى ءىرى كاسىپورىنداردىڭ اينالاسىندا جاعىن جانە ورتا بيزنەس بەلدەۋىن ۇيىمداستىرۋدى تاپسىردى.
- ونەركاسىپ مينيسترلىگى وسى جىلدىڭ 1-قازانىنا دەيىن ءىرى تاۋ-كەن كاسىپورىندارىمەن بىرلەسىپ، جوعارى دەڭگەيدە وڭدەلگەن ونىمدەر شىعارۋ بويىنشا شارالار كەشەنىن ازىرلەسىن.
جۇيەتۇزۋشى كاسىپورىندار اينالاسىندا شاعىن جانە ورتا بيزنەس بەلدەۋىن قۇرۋدى ىنتالاندىراتىن ءىس-شارالاردى ەسكەرۋ قاجەت.
ونەركاسىپ مينيسترلىگى «سامۇرىق- قازىنا» قورىمەن بىرلەسىپ، اسا ماڭىزدى جانە سيرەك مەتالدار نەگىزىندە تەحنولوگيالىق تۇرعىدان يننوۆاتسيالىق ءونىم ءوندىرىسىن دامىتۋعا ءتيىس. جوبالار قوسىلعان قۇنى جوعارى ونىمدەر جاساۋعا باعىتتالۋى قاجەت، - دەدى ول.
ۇكىمەت باسشىسى ەل اۋماعىندا تۇيىق تسيكلدى ەكونوميكا قۇرۋ ءۇشىن مەتالدار مەن ءوندىرىس قالدىقتارىن قايتا وڭدەۋ شارالارىن ازىرلەۋدى تاپسىردى.
- عىلىم جانە جوعارى ءبىلىم مينيسترلىگى ونەركاسىپ مينيسترلىگىمەن بىرلەسىپ، ءبىر اي مەرزىمدە سالا ماماندارىن دايارلاۋ باعدارلاماسىن دايىنداۋعا ءتيىس.
سونداي-اق عىلىمدى وندىرىسكە قاجەتتى جاڭا تەحنولوگيالاردى ازىرلەپ، ەنگىزۋگە بەلسەندى تۇردە تارتۋ كەرەك. باقىلاۋ مەن ۇيلەستىرۋ رومان ۆاسيلەۆيچ سكلياردا، - دەدى ولجاس بەكتەنوۆ.
