باتىس قازاقستاندا جوعالىپ كەتكەن 700 باس قوي تۇگەل تابىلدى

باتىس قازاقستان وبلىسىندا جوعالىپ كەتكەن 700 باس قوي تۇگەل تابىلدى، دەپ حابارلايدى Kazinform.

ب ق و پوليتسيا دەپارتامەنتى باسپا ءسوز قىزمەتىنەن تۇسكەن مالىمەتكە قاراعاندا، وقيعا كازتالوۆ اۋدانى بىرىك اۋىلدىق وكرۋگىندە بولدى.

"قاراشانىڭ 21-ىنەن 22-سىنە قاراعان ءتۇنى "لەكەر" قىستاعىنىڭ تۇرعىنىنا تيەسىل 700 باس قوي قاراۋسىز قالىپ، جوعالىپ كەتكەن. حابار جەتكەن بويدا كازتالوۆ اۋدانى پوليتسيا ءبولىمى جەرگىلىكتى پوليتسيا قىزمەتى بولىمشەسى ۋچاسكەلىك پوليتسيا ينسپەكتورىنىڭ كومەكشىسى، پوليتسيا اعا لەيتەنانتى نۇرسۇلتان سەرىك جەدەل ىزدەستىرۋ ءىس- شارالارىن ۇيىمداستىردى. مالدى يەسىمەن بىرگە ىزدەۋگە شىقتى. سونىڭ ناتيجەسىندە 22 -قاراشا كۇنى ساعات 16.05 شاماسىندا قويدى تۇگەل تاۋىپ، يەسىنە ايداپ اكەلىپ بەردى. اتالعان تۇرعىن مالىنىڭ دەر كەزىندە تابىلۋىنا جاردەمدەسكەن ساقشىعا العىسىن ءبىلدىردى"، دەپ حابارلادى ۆەدومستۆودان.

دەپارتامەنتتەن ءمالىم ەتكەنىندەي، وبلىس اۋماعىندا 27-29 -قاراشا ارالىعىندا "مال ۇرلىعى" جەدەل الدىن الۋ ءىس- شاراسى وتكىزىلۋدە. وسى ءىس- شارا بارىسىندا 2 مال ۇرلىعى تىركەلىپ، ەكەۋى دە اشىلدى. سونداي- اق بۇرىن جاسالعان 2 قىلمىس اشىلدى. ب ق و پوليتسيا دەپارتامەنتى تۇرعىندارعا مالدى قاراۋسىز قالدىرماۋ كەرەكتىگىن ەسكە سالادى.

ەسكە سالا كەتەيىك، بۇدان بۇرىن ورالدا مۇعالىمنىڭ وقۋشىعا قول كوتەرۋ دەرەگى بويىنشا تەكسەرۋ جۇرگىزىلىپ جاتقانىن جازعان بولاتىنبىز.

سونداي- اق ورالدا اۆتوكولىك قاعىپ كەتكەن ەر ادام كوز جۇمدى.

اۆتور

عايساعالي سەيتاق