باقىتجان بازاربەك مينيستر ق. شارلاپايەۆپەن اراداعى داۋ تۋرالى: باس پروكۋرورعا جۇگىنەمىن

استانا. KAZINFORM - ءماجىلىس دەپۋتاتى باقىتجان بازاربەك قۇرىلىس كودەكسىن ازىرلەۋگە جۇمسالعان قاراجاتتىڭ داۋى بويىنشا باس پروكۋرورعا شاعىمداناتىنىن ايتتى.

«شارلاپايەۆ (ونەركاسىپ جانە قۇرىلىس ءمينيسترى قانات شارلاپايەۆ - رەد. ) مىرزا مويىنداماي وتىر. مەن ءوز ۇستانىمىمدا نىق قالا بەرەمىن. بيۋدجەت زاڭناماسى بۇزىلدى. بيۋدجەت شىعىندالدى، ال ونىڭ نەگىزدى ەكەنىن قۇجاتپەن دالەلدەنبەگەن. قارجى مينيسترلىگى ونداي زاڭ بۇزۋ فاكتىسى بولعانىن راستادى. شارلاپايەۆ مىرزا كەرىسىنشە تەرىسكە شىعارىپ ءجۇر. ەندى ءبىز ونەركاسىپ جانە قۇرىلىس ءمينيسترىنىڭ نۇسقاۋدى ورىنداعانىن كۇتەمىز. قارجى مينيسترلىگى جول بەرىلگەن زاڭ بۇزۋ فاكتىلەرىن جويۋ تۋرالى نۇسقاۋ جولداعان»، - دەدى ول جۋرناليست سۇراعىنا بەرگەن جاۋابىندا.

دەپۋتات بۇل ءىس بويىنشا قۇزىرلى ورگاندارعا شاعىمدانىپ جاتقانىن ايتتى.

«باسەكەلەستىكتى قورعاۋ جانە دامىتۋ اگەنتتىگىنە حات جولدادىق. ولار دا ونەركاسىپ مينيسترلىگىنە قاتىستى اكت راسىمدەۋى كەرەك. مەن باس پروكۋرورعا جۇگىنەمىن. بولىپ جاتقانى دۇنيەنى ادىلەتتى دەپ ويلامايمىن»، - دەدى دەپۋتات.

بۇعان دەيىن پرەمەر-مينيستر ولجاس بەكتەنوۆ ءماجىلىس دەپۋتاتى باقىتجان بازاربەكتىڭ قۇرىلىس كودەكسىنىڭ جوباسىن ازىرلەۋ كەزىندە زاڭسىزدىقتارعا جول بەرىلگەنى تۋرالى ساۋالىنا جاۋاپ بەرگەن ەدى.

اۆتور
ەسىمجان ناقتىباي