ب ق و- دا جايىق وزەنى بويىندا ۇزىندىعى 40 شاقىرىمنان اساتىن بوگەتتەر تۇرعىزىلىپ جاتىر
ورال. KAZINFORM - باتىس قازاقستان وبلىسىندا سۋ تاسقىنىنىڭ قاۋپى سەيىلمەي تۇر.
ب ق و اكىمىنىڭ ورىنباسارى قاليار ايتمۇحامبەتوۆتىڭ ايتۋىنشا، قازىرگى تاڭدا قاۋىپ ءتونىپ تۇرعان وبلىس ورتالىعى جانە جايىق وزەنى بويىندا ورنالاسقان اقجايىق، ءبورلى، بايتەرەك، تەرەكتى اۋداندارىنىڭ 90-عا جۋىق ەلدى مەكەنىندە سۋ تاسقىنىنان قورعاۋ جۇمىستارى جۇرگىزىلىپ جاتىر.
«كۇنى بۇگىن ۇزىندىعى 43 كيلومەتردەي بولاتىن بيىكتىگى 1-2,5 مەتر بوگەتتەر تۇرعىزىلىپ جاتىر. اتالعان جۇمىستارعا 250-دەن استام تەحنيكا مەن 2,5 مىڭعا جۋىق ادام جۇمىلدىرىلدى. جۇمىستار جالعاسۋدا»، - دەدى ق. ايتمۇحامبەتوۆ.
«قازگيدرومەت» ر م ك بقو فيلالىنىڭ 11- ءساۋىر ساعات 08.00-دەگى مالىمەتى بويىنشا جايىق وزەنىنىڭ دەڭگەيى ورال قالاسى تۇسىندا تاۋلىگىنە 10 سانتيمەترگە جوعارىلادى. ءسويتىپ 728 سانتيمەترگە (قاۋىپتى شەگى - 850 س م) جەتتى. سونداي-اق يانۆارتسيەۆ گيدروبەكەتىندە 787 (قاۋىپتى شەگى - 1250 س م)، كوشىمدە 688 (850 س م) جانە تايپاقتا 410 (850 س م) سانتيمەترگە جەتتى.
اۆتور
عايساعالي سەيتاق
