ب ۇ ۇ باسشىسى داعىستانداعى لاڭكەستىك ارەكەتتەردى ايىپتادى

استانا. KAZINFORM - ب ۇ ۇ باس حاتشىسى انتونيۋ گۋتەرريش رەسەيدىڭ داعىستان رەسپۋبليكاسىندا جەكسەنبى كۇنى جاسالعان لاڭكەستىك ارەكەتتەردى «قاتاڭ تۇردە» ايىپتادى. بۇل تۋرالى شينحۋا اگەنتتىگى جازدى.

دۇنيەجۇزىلىك ۇيىمنىڭ باسشىسى «جەكسەنبى كۇنى رەسەي فەدەراتسياسىنىڭ داعىستان رەسپۋبليكاسىنداعى يەۆرەي جانە حريستيان ءدىني ورىندارى مەن قاۋىپسىزدىك كۇشتەرىنە قارسى جاسالعان لاڭكەستىك ارەكەتتەردى قاتاڭ تۇردە ايىپتايدى»، - دەدى ب ۇ ۇ باس حاتشىسىنىڭ رەسمي وكىلى ستەفان ديۋجارريك.

ونىڭ ايتۋىنشا، ا. گۋتەرريش قازا بولعانداردىڭ تۋىستارىنا، رەسەي حالقى مەن ۇكىمەتىنە كوڭىل ايتىپ، جارالىلاردىڭ تەزىرەك ساۋىعىپ كەتۋىن تىلەدى.

داعىستاننىڭ دەنساۋلىق ساقتاۋ مينيسترلىگىنىڭ حابارلاۋىنشا جەكسەنبى كۇنگى رەسەيدىڭ وڭتۇستىگىندە جاسالعان سودىرلاردىڭ شابۋىلدارى سالدارىنان كەم دەگەندە 20 ادام قازا تاۋىپ، تاعى 46 ادام جاراقات الدى، ونىڭ ىشىندە قۇقىق قورعاۋ ورگاندارىنىڭ قىزمەتكەرلەرى مەن بەيبىت تۇرعىندار دا بار.

ايتا كەتەيىك، 24-ماۋسىم كۇنى داعىستاندا بەلگىسىز بىرەۋلەر پراۆوسلاۆ شىركەۋى مەن سيناگوگاعا شابۋىل جاسادى.

سونىڭ سالدارىنان پوليتسيانىڭ 15 قىزمەتكەرى مەن 4 ازامات قازا بولدى. ونىڭ اراسىندا شىركەۋى قىزمەتكەرى دە بار.

رەسپۋبليكادا 24، 25 جانە 26-ماۋسىم ازات تۇتۋ كۇنى بولىپ جاريالاندى.

قايعىلى جاعدايعا بايلانىستى مەملەكەت باسشىسى قاسىم-جومارت توقايەۆ رەسەي پرەزيدەنتى ۆلاديمير پۋتينگە كوڭىل ايتتى.

داعىستانداعى تەراكتىنى كىمدەر ۇيىمداستىرعانى بەلگىلى بولدى.

اۆتور

ەركەجان سماعۇلوۆا