ازەربايجان مەن قىتاي ترانسكاسپي باعىتى بويىنشا ترانزيتتىك تاسىمالداۋدى ارتتىرادى
استانا. KAZINFORM - «ازەربايجان تەمىر جولدارى» (AZD) جاق مەن قىتاي تەمىر جولدارى مەملەكەتتىك كورپوراتسياسى حالىقارالىق جۇك تاسىمالى جانە كولىك دالىزدەرىن دامىتۋ سالاسىنداعى ءوزارا تۇسىنىستىك تۋرالى مەموراندۋمعا قول قويدى، دەپ حابارلايدى Kazinform مەنشىكتى ءتىلشىسى AZD- عا سىلتەمە جاساپ.
بەيجىڭدە «ازەربايجان تەمىر جولدارى» جاق (AZD) ءتوراعاسى روۆشان رۋستاموۆ «قىتاي تەمىر جولدارى» مەملەكەتتىك كورپوراتسياسىنىڭ پرەزيدەنتى سۋن سيۋدومەن كەزدەستى.
باسقوسۋ بارىسىندا ەكى ەلدىڭ تەمىرجول قۇرىلىمدارى اراسىنداعى سەرىكتەستىك ترانزيتتىك جانە مۋلتيمودالدى تاسىمالداۋدان باستاپ ينفراقۇرىلىمدى دامىتۋ مەن ۇدەرىستەردى سيفرلاندىرۋعا دەيىنگى كەڭ اۋقىمدى قامتيتىنى باسا ايتىلدى. ترانسكاسپي حالىقارالىق كولىك باعىتىنا (ورتا ءدالىز) ەرەكشە نازار اۋدارىلدى.
2024-جىلى ازەربايجان مەن قىتاي اراسىنداعى تەمىرجول ارقىلى جۇك تاسىمالداۋ كولەمى 47 پايىزعا ارتىپ، 612 مىڭ تونناعا جەتكەنى اتاپ ءوتىلدى. 2025-جىلدىڭ ءبىرىنشى جارتىجىلدىعىندا قىتايدان 199 كونتەينەرلىك بلوكتىق پويىزدار قابىلدانسا، جىل سوڭىنا دەيىن 400 دەن استامى كۇتىلىپ وتىر.
كەزدەسۋ قورىتىندىسى بويىنشا تاراپتار AZD مەن قىتاي تەمىر جولدارى اراسىندا ءوزارا تۇسىنىستىك تۋرالى مەموراندۋمعا قول قويدى. قۇجات ءترانزيتتى دامىتۋدى، پروتسەستەردى سيفرلاندىرۋدى جانە قىتاي تاراپىنىڭ بىرلەسكەن مۋلتيمودالدى جوبالارعا قاتىسۋىن، ونىڭ ىشىندە Middle Corridor Multimodal Ltd كومپانياسىن قاراستىرادى.
ساپار بارىسىندا روۆشان رۋستاموۆ «قازاقستان تەمىر جولى» ۇ ك» ا ق باسقارما ءتوراعاسى تالعات الدىبەرگەنوۆپەن دە كەزدەستى. قىتاي-ەۋروپا باعىتى بويىنشا ۇيلەستىرۋدى كەڭەيتۋ تالقىلاندى.
بۇعان دەيىن kazinform شانسي پروۆينتسياسىنان ترانسكاسپي باعىتى بويىنشا جۇك پويىزى العاش رەت جولعا شىققانىن جازعان ەدىك. ول قازاقستان ارقىلى وتەدى.
