ايدوس مىرزاحمەتوۆ قورعانىس ءمينيسترى بولىپ تاعايىندالدى

- مەملەكەت باسشىسىنىڭ جارلىعىمەن ايدوس ساكەن ۇلى مىرزاحمەتوۆ قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى،- دەلىنگەن حابارلامادا.

ايدوس مىرزاحمەتوۆ - اسكەري قىزمەتكە جيىرما جىلدان استام ۋاقىتىن ارناعان كادرلىق وفيتسەر.

1981-جىلعى 12-تامىزدا الماتى وبلىسىنىڭ جامبىل اۋدانىندا دۇنيەگە كەلگەن.

2002 -جىلى قازاقستان رەسپۋبليكاسى قارۋلى كۇشتەرىنىڭ اسكەري اكادەمياسىن ۇزدىك اياقتاعان. كەيىنگى جىلدارى ۇلتتىق قاۋىپسىزدىك جانە مەملەكەتتىك كۇزەت جۇيەسىندە جەدەل جانە كوماندالىق دايارلىق بويىنشا ءبىرقاتار كۋرستان وتكەن.

ايدوس مىرزاحمەتوۆ قازاقستان رەسپۋبليكاسى مەملەكەتتىك كۇزەت قىزمەتىندەگى وفيتسەرلىك قىزمەتتىڭ ساتىلارىنان ءوتىپ، كوماندالىق جانە باسشىلىق لاۋازىمداردى اتقارعان.

2024-جىلعى قاڭتاردا قازاقستان رەسپۋبليكاسى قارۋلى كۇشتەرىنىڭ ارنايى وپەراتسيالار كۇشتەرىنىڭ قولباسشىسى بولىپ تاعايىندالدى.

2025-جىلى ۇلتتىق قورعانىس ۋنيۆەرسيتەتىن بىتىرگەن.

2022-جىلى II دارەجەلى «ايبىن» وردەنىمەن ناگرادتالعان.

ۇيلەنگەن، ءۇش بالاسى بار.