ايتىس اقىنى نۇرمات مانسۇر جاڭا قىزمەتكە تاعايىندالدى

ايتىسكەر اقىن نۇرمات مانسۇر قىزىلورداداعى قالالىق «جاستار تەاترىنىڭ» ديرەكتورى لاۋازىمىنا تاعايىندالدى. بۇل تۋرالى قىزىلوردا قالاسى اكىمدىگىنىڭ باسپا ءسوز قىزمەتى حابارلادى.

قىزىلوردا قالالىق مادەنيەت جانە سپورت ءبولىمىنىڭ ارنايى كونكۋرستىق كوميسسياسى شەشىمىمەن وسى ۋاقىتقا دەيىن م. ەراليەۆا اتىنداعى مادەنيەت ءۇيىنىڭ ديرەكتورى قىزمەتىن اتقارعان مانسۇروۆ نۇرمات ابدوللا ۇلى 2024 -جىلدىڭ 4-قاڭتارىنان باستاپ قالالىق «جاستار تەاترى» مەملەكەتتىك كوممۋنالدىق قازىنالىق كاسىپورنىنىڭ ديرەكتورى لاۋازىمىنا تاعايىندالدى.

نۇرمات ابدوللا ۇلى 1985 -جىلى 24-ناۋرىزدا قىزىلوردا وبلىسى، سىرداريا اۋدانىندا دۇنيەگە كەلگەن.

ءبىلىمى جوعارى، ەكونوميكا عىلىمدارىنىڭ ماگيسترى.

ءار جىلدارى قىزىلوردا وبلىستىق مادەنيەت باسقارماسىنا قاراستى حالىق شىعارماشىلىعىن دامىتۋ جانە مادەني پروديۋسەرلىك ورتالىعىندا مادەني قىزمەتكەر، ايماقتىق «قوعام» تەلەارناسىندا رەداكتور، رەسپۋبليكالىق «تانىم مەن تاعىلىم» گازەتىندە اتقارۋشى ديرەكتور، «قازاق راديولارى» ج ش س-نە قاراستى «شالقار» راديوسىندا اعا رەداكتور بولىپ ەڭبەك جولىنان وتكەن.

رەسپۋبليكالىق، حالىقارالىق دەڭگەيدەگى ايتىستاردىڭ بىرنەشە دۇركىن جەڭىمپازى، «سەرپەر» سىيلىعىنىڭ يەگەرى، ق ر مادەنيەت سالاسىنىڭ ۇزدىگى، سىرداريا اۋدانىنىڭ قۇرمەتتى ازاماتى.

ق ر قۇرمەت گراموتاسىنىڭ يەگەرى.

نۇرمات ابدوللا ۇلى جالاعاش اۋدانى، سىرداريا اۋدانىنىڭ مۋزىكالىق مۇراسى، وسى اۋدانداردان شىققان ادەبيەت، ونەر تۇلعالارى جايلى اۋديوحابارلار، جىر-تەرمە، اندەر، ايتىستار توپتاستىرىلعان «جالاعاش جاۋھارلارى»، «ارناسىن جىر كەرنەگەن سىرداريا» اتتى اۋديوانتولوگيالاردىڭ اۆتورى ءارى پروديۋسەرى بولىپ ايماقتىڭ مادەني جاۋھارلارىن تۇگەندەۋدە ەڭبەك ەتىپ كەلەدى.