ايتقۇرمان وماربەكوۆ قورعانىس ءمينيسترىنىڭ ءبىرىنشى ورىنباسارى بولىپ تاعايىندالدى

- مەملەكەت باسشىسىنىڭ وكىمىمەن ايتقۇرمان جولامان ۇلى وماربەكوۆ قازاقستان رەسپۋبليكاسى قورعانىس ءمينيسترىنىڭ ءبىرىنشى ورىنباسارى - قازاقستان رەسپۋبليكاسى قارۋلى كۇشتەرى باس شتابىنىڭ باستىعى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى،-دەلىنگەن حابارلامادا.

تۋعان جەرى جانە جىلى:

1977-جىل، اباي وبلىسى.

ءبىلىمى:

رەسەي فەدەراتسيا قورعانىس مينيسترلىگىنىڭ اسكەري ۋنيۆەرسيتەتى، ماماندىعى «مورالدىق- پسيحولوگيالىق قامتاماسىز ەتۋدى ۇيىمداستىرۋ»؛

ەۋرازيا گۋمانيتارلىق ينستيتۋتى، ماماندىعى «يۋريسپرۋدەنتسيا».

وتباسىلىق جاعدايى:

ۇيلەنگەن، ءتورت بالا تاربيەلەپ وتىر.

مانساپ

1997-2014 ج ج. قازاقستان رەسپۋبليكاسى رەسپۋبليكالىق ۇلانىنداعى قىزمەت.

2014- 2022 ج ج. قازاقستان رەسپۋبليكاسى مەملەكەتتىك كۇزەت قىزمەتىنىڭ كادرىندا ءارتۇرلى وفيتسەرلىك جانە باسشى لاۋازىمدارداعى قىزمەت.

2022-جىلعى قاڭتاردا ق ر پرەزيدەنتىنىڭ وكىمىمەن قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى - ايرىقشا ماقساتتاعى كۇشتەر قولباسشىسىنىڭ مىندەتىن اتقارۋشى بولىپ تاعايىندالدى.

2022-جىلعى اقپاندا ق ر پرەزيدەنتىنىڭ وكىمىمەن قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى -ايرىقشا ماقساتتاعى كۇشتەر قولباسشىسى بولىپ تاعايىندالدى.

مەملەكەت باسشىسىنىڭ 2022-جىلعى 22-قازانداعى №1057 جارلىعىمەن "قازاقستان رەسپۋبليكاسى مەملەكەتتىك كۇزەت قىزمەتىنىڭ گەنەرال-مايورى" ارناۋلى اتاعى بەرىلدى.

Ⅱ دارەجەلى «ايبىن» وردەنىمەن، Ⅱ، Ⅲ دارەجەلى «ءمىنسىز قىزمەتى ءۇشىن»، Ⅲ دارەجەلى «ەلباسىنىڭ قاۋىپسىزدىگىن ايبىندى اتقارعانى ءۇشىن» مەدالدارىمەن، سونداي-اق «قازاقستان رەسپۋبليكاسى مەملەكەتتىك كۇزەت قىزمەتىنە 25 جىل»، «قازاقستان تاۋەلسىزدىگىنە 30 جىل» مەرەيتويلىق مەدالدارىمەن ماراپاتتالعان.