اتوم سالاسىندا قازاقستاننان تاجىريبەسى از مەملەكەتتەر دە ا ە س سالىپ جاتىر - ساراپشىلار
الماتى. KAZINFORM - الماتىدا ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى مەن ق ر پرەزيدەنتى جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسىنىڭ ۇيىمداستىرۋىمەن وتكەن وتىرىستا ساراپشىلار بەيبىت اتوم تاقىرىبىن تالقىلادى.
ق ر پرەزيدەنتى جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسىنىڭ ۆيتسە-پرەزيدەنتى اباي سەرىكقانوۆ ەلىمىزدىڭ بەيبىت اتوم سالاسىنداعى عىلىمي الەۋەتى تۋرالى ايتتى.
- اتوم فيزيكاسى بويىنشا ەلىمىزدىڭ عىلىمي الەۋەتىن انىقتاۋ ءۇشىن عىلىم اكادەمياسى وتكەن جىلدان باستاپ كۋرچاتوۆ قالاسىنداعى ۇلتتىق يادرولىق ورتالىقتىڭ، سەمەي قالاسىنداعى يادرولىق قارۋدى قولدانۋدىڭ سالدارىن جويۋ ورتالىعىنىڭ، وسكەمەن قالاسىنداعى ءۇلبى مەتاللۋرگيالىق زاۋىتىنىڭ، الماتىداعى يادرولىق فيزيكا ينستيتۋتىنىڭ جۇمىسىمەن تانىستى. سونداي-اق، ءبىز دۋبنا قالاسىندا ورنالاسقان حالىقارالىق ۇكىمەتارالىق عىلىمي-زەرتتەۋ ۇيىمى - بىرىككەن يادرولىق زەرتتەۋلەر ينستيتۋتىنا بارىپ كوردىك. ونىڭ قۇرىلتايشىلارىنىڭ ءبىرى - ءبىزدىڭ مەملەكەتىمىز. مۇندا 100 گە جۋىق قازاقستاندىق عالىمدار زەرتتەۋ جۇرگىزىپ ءجۇر. ونداعى عالىمداردىڭ ورتا جاسى - 27. سوڭعى 2 جىلدا ولار جوعارى رەيتينگتى جۋرنالداردا 316 عىلىمي ماقالا جاريالادى، - دەدى ۆيتسە-پرەزيدەنت.
سونداي-اق اباي سەرىكقانوۆ ەلىمىزدىڭ قانداي جوعارعى وقۋ ورىندارىندا اتوم سالاسىنىڭ ماماندارى وقىتىلاتىنىن اتاپ ءوتتى.
- بەيبىت اتوم سالاسىنا ماماندار سەرىكبايەۆ اتىنداعى ش ق ت ۋ، امانجولوۆ اتىنداعى ش ق ۋ، شاكارىم اتىنداعى س م ۋ، ءال-فارابي اتىنداعى قاز ۇ ۋ، ساتبايەۆ اتىنداعى ق ۇ ت ز ۋ جانە داۋكەيەۆ اتىنداعى ا ە ب ۋ- دا دايىندالادى. اتوم سالاسىنىڭ عىلىمي ناتيجەلەرىنە كەلسەك، سوڭعى جىلدارى 473 ماقالا جوعارى رەيتينگتى جۋرنالداردا جاريالانعان. بۇل وسى سالاداعى جاقسى ىرگەتاس بار ەكەنىن كورسەتەدى. ايتىلعان كورسەتكىشتەرگە سۇيەنە وتىرىپ، قازاقستاننىڭ بەيبىت اتوم سالاسىن دامىتۋدا ايتارلىقتاي الەۋەتى بار دەگەن بايلامعا كەلەمىز، - دەدى اباي سەرىكقانوۆ.
ال ورتالىق ازياداعى New NuclearWatch Institute كونسۋلتاتسيالىق كەڭەسىنىڭ ءتوراعاسى باۋىرجان يبرايەۆ بەيبىت اتوم سالاسىندا قازاقستاننان الەۋەتى الدەقايدا تومەن ەلدەر اتوم رەاكتورىن سالىپ جاتقانىن ايتتى.
- 2018-جىلى وزبەكستان ا ە س سالۋعا شەشىم قابىلداعان كەزدە رەسەيلىك تاراپ بىزگە كەلىپ ۇسىنىس جاساپ، وزبەك ەلىنە قاراعاندا بۇل سالادا ءبىزدىڭ الەۋەتىمىزدىڭ جوعارى ەكەنىن اتاپ ءوتتى. ودان كەيىن ەشقانداي تاجىريبەسى بولماسا، مۇنداي شەشىمدى موڭعوليا قابىلدادى. ال ءبىز «قاجەت پا، جوق پا» دەگەن سۇراقتىڭ توڭىرەگىندە ءالى ءجۇرمىز. ەلىمىزدە ا ە س قاجەتتىلىگى كوپ ۋاقىت بۇرىن تۋىندادى. دامىعان مەملەكەتتەردىڭ بارلىعى دەرلىك ءوز ەكونوميكاسىن اتوم ەنەرگەتيكاسىنا سۇيەنىپ كوتەردى دەي الامىن، - دەدى باۋىرجان يبرايەۆ.
ەسكە سالايىق، بۇعان دەيىن «سوتسيس ا» ساۋالناماسىنا سايكەس حالىقتىڭ 60 پايىزى ا ە س- ءتى قولدايتىنىن جازعانبىز.
