استاناداعى جاڭا كوپىر كولىك كەپتەلىسىن قانشا پايىزعا ازايتتى

ەلوردا تۇرعىندارى تاۋەلسىزدىك داڭعىلىنىڭ بويىنداعى جاڭا كوپىر ارقىلى ءجيى قاتىنايدى. بۇل كوپىر كوشەلەردەگى كەپتەلىستى ەداۋىر ازايتۋعا مۇمكىندىك بەرەدى.

ماسەلەن، ماڭگىلىك ەل داڭعىلى % 20- عا دەيىن، سارايشىق كوشەسى مەن ۇلى دالا داڭعىلىنداعى كوپىر تيىسىنشە % 15- عا دەيىن ازايدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.

جاڭا كوپىردىڭ ارقاسىندا ماڭگىلىك ەل داڭعىلىنىڭ ۇلى دالا داڭعىلى مەن كەرەي جانىبەك حاندار كوشەسى ارالىعىندا كولىك ءنوپىرى تاۋلىگىنە ورتا ەسەپپەن % 19- عا ازايعانى بايقالادى. سونداي- اق، تاڭەرتەڭگى قاربالاس ساعاتتاردا % 14- عا، ال كەشكى قاربالاس ۋاقىتتا % 5,5- عا تومەندەۋى بايقالادى.

ماڭگىلىك ەل داڭعىلىنىڭ بويىندا كەرەي جانىبەك حاندار كوشەسىنەن قونايەۆ كوشەسىنە دەيىنگى ۋچاسكەدە (سولتۇستىك باعىتتا) كەپتەلىس كەشكى ۋاقىتتا % 11,8- عا، وڭتۇستىك باعىتتا % 8,2- عا تومەندەگەنى بايقالادى. سونداي- اق، قارقىندىلىقتىڭ تاڭەرتەڭگى ۋاقىتتا % 21,2- عا تومەندەۋى بايقالادى (وڭتۇستىك باعىتتا) .

سونداي- اق، كوپىردىڭ تۇركىستان كوشەسىندەگى كولىك كەپتەلىسىنە دە وڭ اسەرىن ەرەكشە اتاپ وتۋگە بولادى. ۇلى دالا داڭعىلىنان كەرەي جانىبەك حاندار كوشەسى ارالىعىنداعى تۇركىستان كوشەسىندە قارقىندىلىقتىڭ تاۋلىگىنە تومەندەۋى سولتۇستىك باعىتتا - 12,5. سونىمەن قاتار قارقىندىلىقتىڭ تاڭەرتەڭگى قاربالاس ۋاقىتتا 21- عا، كەشكى ۋاقىتتا %17- عا تومەندەۋى بايقالادى.

دەرەكتەردى «Sergek ITS» تالداۋ، مونيتورينگ جانە كولىكتىك بولجاۋ بويىنشا ينتەللەكتۋالدى كولىك جۇيەسى ارقىلى ماماندار دايىندايدى.

ەستەرىڭىزگە سالا كەتەيىك، تاۋەلسىزدىك كوپىرى الماتى مەن ەسىل اۋداندارى اراسىنداعى قوسىمشا بايلانىستى قامتاماسىز ەتەدى. سول سياقتى وزگە كوشەلەردەگى كەپتەلىستى ەداۋىر سەيىلتۋگە مۇمكىندىك بەرەدى: سول جاعالاۋدى تاۋەلسىزدىك داڭعىلىمەن، جاڭا تەمىرجول ۆوكزالىمەن، قوشقاربايەۆ داڭعىلىمەن، ناجىمەدەنوۆ كوشەسىمەن، ازىرەت سۇلتان مەشىتىمەن، بايتۇرسىنوۆ، قورداي، ايناكول كوشەلەرىمەن، مومىش ۇلى داڭعىلىمەن جانە ت. ب. قوسىمشا بايلانىستى قامتاماسىز ەتەدى.

كوپىر سەگىز جولاقتى - ەكى باعىتتا ءتورت جولاقتان. كوپىردىڭ شەت جاقتارىندا جاياۋ جۇرگىنشىلەر ايماقتارى مەن ۆەلوجولدار بار. ال كوگالداندىرۋ جۇمىسى كوكتەمدە اياقتالادى.

اۆتور

ەلميرا ورالبايەۆا