استانادا جۋرناليستەر اراسىندا سىبايلاس جەمقورلىققا قارسى كۇرەس تۋرالى ۇزدىك جاريالانىمعا كونكۋرس باستالدى
استانا. KAZINFORM - استانادا جۋرناليستەر اراسىندا سىبايلاس جەمقورلىققا قارسى كۇرەسكە ارنالعان ۇزدىك جۇمىستارعا كونكۋرس باستالدى، دەپ حابارلايدى ەلوردا اكىمدىگىنىڭ رەسمي سايتى.
استانا قالاسىنىڭ ىشكى ساياسات باسقارماسى مەن سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى جانە قاراعاندى وبلىسىنىڭ بالالار مەن جاستار ۇيىمى بىرلەسىپ، 2024 -جىلدىڭ 8-قاراشاسىنان باستاپ جۋرناليستەر اراسىندا سىبايلاس جەمقورلىققا توزبەۋشىلىك تاقىرىبىندا ۇزدىك جۇمىستار بايقاۋىن وتكىزەدى.
بايقاۋدىڭ ماقساتى - قوعامدا سىبايلاس جەمقورلىققا قارسى كوزقاراستى قالىپتاستىرۋ جانە وسى ماسەلەلەردى اشىپ كورسەتەتىن جۋرناليستەردى قولداۋ.
2024 -جىلى جارىق كورگەن ەڭبەكتەردىڭ اۆتورلارى بولىپ سانالاتىن استانا قالاسىنىڭ جۋرناليستەرى بايقاۋعا قاتىسا الادى. وتىنىمدەر 2024 -جىلدىڭ 7-30-قاراشا ارالىعىندا قابىلدانادى. جۇمىستار وزەكتىلىك، تەرەڭدىك، جاڭاشىلدىق جانە قولجەتىمدىلىك سياقتى كريتەريلەر بويىنشا باعالانادى.
جەڭىمپازدار ارنايى سالتاناتتى راسىمدە اقشالاي سىيلىقتارمەن ماراپاتتالادى: 1-ورىنعا - 150000 تەڭگە، 2-ورىنعا - 100000 تەڭگە جانە 3-ورىنعا - 50000 تەڭگە.
ءوتىنىم بەرۋ ءۇشىن ءوزىڭىز تۋرالى اقپارات پەن ماتەريالدارىڭىزدىڭ سىلتەمەسىن مىنا ەلەكتروندى پوشتاعا جىبەرۋ قاجەت: astana.konkurs2024@mail.ru.
اۆتور
اسحات رايقۇل
