استانادا جەدەل جاردەم فەلدشەرى جۇكتى ايەلگە كومەككە تاكسيمەن بارعان

استانا. KAZINFORM - الەۋمەتتىك جەلىدە جەدەل جاردەم دارىگەرى پاتسيەنتكە مەديتسينالىق كومەككە تاكسيمەن بارا جاتقان ۆيدەو تارادى. ءىستىڭ ءمان-جايىن ەلوردانىڭ دەنساۋلىق ساقتاۋ باسقارماسىنان سۇراعان ەدىك.

- پاتسيەنتتەرگە جەدەل جەتۋ ۋاقىتىن قىسقارتۋ ماقساتىندا دەنساۋلىق ساقتاۋ ءمينيسترىنىڭ 2020 -جىلعى 30 -قاراشاداعى № 225 «جەدەل مەديتسينالىق كومەك كورسەتۋ قاعيدالارىن بەكىتۋ تۋرالى» بۇيرىعىنىڭ 42-تارماعىنا سايكەس تاكسيدى جالعا الۋ تۋرالى شەشىم قابىلداندى. وسى شەشىم اياسىندا پاتسيەنت № 2 قالالىق كوپ فۋنكسيانالدى اۋرۋحاناعا جەتكىزىلىپ، كومەك كورسەتىلدى، - دەلىنگەن حابارلامادا.

اقپاراتتا ايتىلعانداي، قازىر ەلوردادا جەدەل جاردەمدى شاقىرتۋ جيىلەگەن. وعان سەبەپ - حالىق سانىنىڭ ءوسۋى جانە ماۋسىمدىق دەرتكە شالدىعۋدىڭ ورتاشا نورمادان اسىپ كەتۋى.

ەسكە سالا كەتەيىك، وسى كۇزدە جەدەل جاردەم كولىكتەرىنىڭ تاپشىلىعى ماسەلەسىن كوتەرىپ، جاعدايى كۇردەلى وڭىرلەردى انىقتاعان ەدىك.

داۋلەت ىزتىلەۋ

اۆتور