استانادا اۆتونومدى جىلۋ قازاندىعى بار تۇرعىن ۇيلەر گازعا اۋىستىرىلىپ جاتىر
استانا. KAZINFORM - استانادا ورتالىقتاندىرىلعان جىلۋ جۇيەسىنە قوسىلماعان تۇرعىن ءۇي كەشەندەرى گازبەن قامتىلادى.

استانا قالالىق ەنەرگەتيكا باسقارماسى باسشىسىنىڭ ورىنباسارى ماقسات ەسماعۇلوۆ قالانى گازداندىرۋ جۇمىستارى تۋرالى باياندادى.
- گاز كەلگەلى اۆتونومدى جىلۋ قازاندىقتارى ماسەلەسى شەشىلىپ كەلەدى. بىلتىردان باستاپ پروبەلمالىق تۇرعىن ءۇي كەشەندەرى گازعا اۋىستىرىلدى. بارىمىزگە جاقسى ءمالىم، «بۋداپەشت»، «بوستون» سەكىلدى ت ك تۇرعىندارى سۇيىتىلعان گازعا اقشا جيناي الماي، تۇندە جىلۋى توقتاپ قالاتىن ماسەلەنى كوتەرگەن ەدى. قازىر ءبىراز تۇرعىن ءۇي تابيعي گازعا اۋىسىپ، ورتالىقتاندىرىلعان گاز جۇيەسىنە قوسىلدى، - دەدى م. ەسماعۇلوۆ قالالىق ءماسليحات وتىرىسىندا.
سونداي-اق، ورتالىقتاندىرىلعان گاز جۇيەسىنە جىلۋ ەلەكتر ورتالىقتارى دا قوسىلعان.
- قالاداعى بارلىق ج ە و- لار گازبەن جۇمىس ىستەيدى. ج ە و-1-دە 10 قازاندىق، ج ە و-2-دە 6 قازاندىق گازبەن جۇمىس ىستەسە، ج ە و-3 گازدىڭ كومەگىمەن ۋاقىتىلى ىسكە قوسىلدى جانە ءوزىنىڭ جوبالىق قاجەتتى جىلۋىن بەرىپ وتىر. گازدىڭ كەلۋىمەن قازاقستاندا بالاماسى جوق ەكى ۇلكەن گاز قازاندىعى - «تۇران» جانە «وڭتۇستىك- شىعىس» ىسكە قوسىلدى، - دەدى سپيكەر.
قازىر قالانى گازداندىراتىن 2 اۆتوماتتاندىرىلعان گاز تاراتۋ ستانسياسى جۇمىس ىستەپ تۇر. ءاربىرىنىڭ قۋاتىن ساعاتىنا 230 مىڭ تەكشە مەتردى قۇرايدى.
- ءبىراق قالا وسى كورسەتكىشتەرگە جاقىنداپ كەلەدى. اقمولا وبلىسىنا قاراستى جاقىن ماڭداعى قوياندى، اقمول اۋماقتارى بىزگە قوسىلىپ، تۇتىنۋ دەڭگەيى وسەدى. سوندىقتان ءۇشىنشى اۆتوماتتاندىرىلعان گاز تاراتۋ ستانسياسىنىڭ قۇرىلىسى باستالدى، بۇل قالامىزعا ساعاتىنا 310 مىڭ تەكشە مەتر گاز بەرە الادى، - دەدى م. ەسماعۇلوۆ.
اايتا كەتەيىك، استانادا 20 مىڭ جەر ءۇيدىڭ 12 مىڭى تابيعي گازعا كوشىرىلگەن جانە قالا بويىنشا 8 شاقىرىمنان استام گاز قۇبىرى تارتىلعان.
اۆتور
ايجان سەرىكجان قىزى