استانا بۇدان بىلاي جەكە تۇرعىن ءۇي قۇرىلىسىنا تەگىن 10 سوتىق جەر بولمەيدى
استانا. KAZINFORM - ەلوردا تۇرعىندارىن باسپانامەن قامتۋ ەندى كوپقاباتتى ءۇي سالۋ ارقىلى عانا قامتاماسىز ەتىلەدى. بۇل تۋرالى استانا قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسى حابارلادى، دەپ حابارلايدى Kazinform ءتىلشىسى.
باسقارما بۇگىندە قالادا جەكە تۇرعىن ءۇي قۇرىلىسى ءۇشىن جەر تەلىمدەرىن الۋعا سۇرانىس باس جوسپارداعى جوبالىق قۋاتتىلىقتان 25 ەسە جوعارى ەكەنىن اتاپ ءوتتى - بۇل كەزەكتە تۇرعاندار سانى جاعىنان دا، اۋدانداردى قاجەتتى ينجەنەرلىك-كوممۋنيكاتسيالىق ينفراقۇرىلىممەن قامتاماسىز ەتۋ جاعىنان دا جوعارى.
استانادا جەكە تۇرعىن ءۇي قۇرىلىسىنا كەزەكتە تۇرعانداردىڭ جالپى سانى 247795 ادام.
مەملەكەت باسشىسىنىڭ تاپسىرماسىنا سايكەس، ۇكىمەتتىڭ 2024-جىلعى 25-قاڭتارداعى قاۋلىسىمەن استانا قالاسىن 2035-جىلعا دەيىنگى پەرسپەكتيۆالىق دامىتۋدىڭ باس جوسپارى بەكىتىلدى.
- بۇل جوبانىڭ تۇجىرىمداماسىنا سايكەس، قالا اۋماعىندا جەكە تۇرعىن ءۇي قۇرىلىسى اۋماعىن دامىتۋ قاراستىرىلماعان، ال قالا حالقىن تۇرعىن ۇيمەن قامتاماسىز ەتۋ ماسەلەلەرىن شەشۋ تەك كوپ پاتەرلى تۇرعىن ءۇي كەشەندەرىن، ونىڭ ىشىندە الەۋمەتتىك تۇرعىن ۇيلەردى سالۋ ارقىلى عانا جۇزەگە اسىرىلادى، - دەپ ءتۇسىندىردى رەداكسيانىڭ رەسمي ساۋالىنا ۆەدومستۆودان.
ايتا كەتەيىك، جەر كودەكسىنە سايكەس، ءاربىر قازاقستاندىق ومىرىندە ءبىر رەت 10 گەكتار جەردى تەگىن الۋعا قۇقىلى.
بۇعان دەيىن الماتى وبلىسىندا 10 جەر ۋچاسكەسى اۋكسيونعا قويىلعانى تۋرالى جازعان ەدىك.
