استانادا 125 ەلدەن ۇسىنىلعان 8 مىڭنان استام AI فيلم باعالانادى - ەرلان قارين
استانا. KAZINFORM - استانادا باستالعان Astana AI Film Festival فەستيۆالىنە 125 ەلدەن جاساندى ينتەللەكت كومەگىمەن تۇسىرىلگەن 8 مىڭنان استام فيلم ۇسىنىلدى. بۇل تۋرالى ەرلان قارين مالىمدەدى.
- حالىقارالىق AI Digital Bridge 2026 فورۋمى اياسىندا Astana AI Film Festival شاراسى باستالدى. بۇل - مەملەكەتتىڭ قولداۋىنسىز جەكە باستامامەن جۇزەگە اسىرىلعان الەمدەگى ەڭ اۋقىمدى ءىس-شارا. فەستيۆالگە 125 ەلدەن جاساندى ينتەللەكتى ارقىلى تۇسىرىلگەن 8 مىڭنان استام فيلم ۇسىنىلعان. كەلىپ تۇسكەن جۇمىستاردى ودرە ازۋلە باستاعان حالىقارالىق جيۋري باعالايدى،- دەلىنگەن جازبادا.
ۆيتسە-پرەزيدەنتتىڭ سوزىنشە، ودرە ازۋلە - يۋنەسكو-نىڭ بۇرىنعى باس ديرەكتورى ءارى فرانسيانىڭ مادەنيەت ءمينيسترى بولعان.
- ول حالىقارالىق ۇيىمعا باسشىلىق ەتكەن جىلدارى سيفرلىق شەشىمدەر مەن جاساندى ينتەللەكتى ماسەلەلەرىن العاشقىلاردىڭ ءبىرى بولىپ كوتەردى. بۇگىن ازۋلە حانىممەن كەزدەسىپ، ءتۇرلى تاقىرىپتار توڭىرەگىندە پىكىر الماستىق، - دەپ جازدى قارين.
ەسكە سالا كەتەيىك، استانادا جاساندى ينتەللەكتىنىڭ كومەگىمەن جاسالعان فيلمدەر بايقاۋىنىڭ فينالى باستالدى.
بۇعان دەيىن ەرلان قارين توقايەۆتىڭ بەرليندەگى مالىمدەمەسىنە توقتالعان بولاتىن.
