اسكەري سوت ورتكە قارسى قىزمەت كوميتەتىنىڭ ءتوراعاسى مەن ەكى دەپارتامەنت باسشىسىنا ۇكىم شىعاردى

استانا. قازاقپارات- اقمولا گارنيزونى اسكەري سوتىنىڭ ۇكىمىمەن ق ر توتەنشە جاعدايلار مينيسترلىگى ورتكە قارسى قىزمەت كوميتەتىنىڭ ءتوراعاسى ن. دەربيسوۆ پەن شىمكەنت قالاسى توتەنشە جاعدايلار دەپارتامەنتىنىڭ باستىعى م. جاقسىبايەۆ 5 جىلعا، جەتىسۋ وبلىسى توتەنشە جاعدايلار دەپارتامەنتىنىڭ باستىعى ب. ءىزباساروۆ 9 جىلعا باس بوستاندىعىنان ايىرىلدى.

انتيكوردىڭ دەرەگىنشە، ولار بيزنەس وكىلىنەن كاسىپكەرلىك قىزمەتىنە قامقورلىق جاساعانى ءۇشىن جالپى سوماسى 39,7 ميلليون تەڭگە سوماسىندا پارا العان.

«سونداي-اق، ب. ءىزباساروۆ 1,7 ميلليون تەڭگە سوماسىندا وزىنە قوسىمشا اقشانى زاڭسىز ەسەپتەپ، بيلىكتى اسىرا پايدالانعانى ءۇشىن سوتتالدى.

اتالعان ادامدار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرىلدى»، - دەپ جازدى ۆەدومستۆودان.

سوت ۇكىمى زاڭدى كۇشىنە ەنگەن جوق.

اۆتور

اسحات رايقۇل