نارىقتا التىن ارزاندادى

وسىلايشا، باعا ءۇشىنشى اپتا قاتارىنان قۇلدىراپ، قورعانىس اكتيۆى رەتىندەگى مارتەبەسىن جوعالتا باستادى. ەندى ساراپشىلار ينفلياتسيانىڭ كۇشەيۋى جانە ا ق ش فەدەرالدىق رەزەرۆ جۇيەسىنىڭ پايىزدىق مولشەرلەمەنى كوتەرۋىنەن قاۋىپتەنىپ وتىر.

 چيكاگو تاۋار بيرجاسى مەن الەمدىك نارىقتا التىننىڭ ءبىر ترويا ۋنتسياسى 4300 دوللار توڭىرەگىنە دەيىن ءتۇستى. سالىستىرمالى تۇردە، 2026 -جىلدىڭ قاڭتارىندا التىن ۋنسياسىنا 5000 - 5400 دوللاردان اسىپ، تاريحي رەكورد ورناتقان ەدى.

قازاقستان نارىعىندا ۇلتتىق بانكتىڭ رەسمي دەرەكتەرىنە سايكەس، تامىز-قىركۇيەك ايلارىندا 1 گرام التىننىڭ قۇنى 63000 - 65000 تەڭگە ارالىعىنا دەيىن ارزاندادى. ال جىل باسىندا (30-قاڭتاردا) بۇل كورسەتكىش رەكوردتىق 89002 تەڭگەگە جەتكەن بولاتىن.

وسى ۋاقىتتا قازاقستان نارىعىندا 1 گرام التىننىڭ رەسمي قۇنى 62952,90 تەڭگەنى قۇراپ وتىر.

قازاقستان ۇلتتىق بانكىنىڭ سوڭعى بەكىتكەن رەسمي مالىمەتتەرىنە سايكەس، التىن باعاسى سوڭعى كۇندەرى بىلاي قۇبىلدى:

 14-قىركۇيەك: 62952,90 ₸

11-قىركۇيەك: 63630,37 ₸

10-قىركۇيەك: 64581,75 ₸

09 -قىركۇيەك: 64211,23 ₸

جالپى العاندا، قىركۇيەك ايىنىڭ باسىنداعى (1-قىركۇيەكتە باعا 68 402,34 تەڭگە بولعان) كورسەتكىشپەن سالىستىرعاندا، التىن باعاسى تاعى دا شامامەن %8- عا ارزانداعان.