14:03, 08 - تامىز 2024 | GMT +6
پاريجدە الماتى قالالىق سپورت باسقارماسىنىڭ باسشىسى ەردەن حايرۋللين قايتىس بولدى
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىنا كەلگەن الماتى قالالىق سپورت باسقارماسىنىڭ باسشىسى ەردەن حايرۋللين كەنەتتەن قايتىس بولدى.
بۇل اقپاراتتى ق ر تۋريزم جانە سپورت مينيسترلىگى دە راستادى.
«وكىنىشكە قاراي، پاريجدە الماتى قالالىق سپورت باسقارماسىنىڭ باسشىسى ەردەن حايرۋلليننەن ايىرىلىپ قالدىق. ونىڭ كەنەتتەن جۇرەگى توقتاپ، قايتىس بولدى»، - دەدى ق ر تۋريزم جانە سپورت ءمينيسترىنىڭ قوعاممەن بايلانىس جانە ب ا ق جونىندەگى كەڭەسشىسى دياس احمەتشارىپ Kazinform تىلشىسىنە بەرگەن جاۋابىندا.
ايتا كەتەيىك، ەردەن راشيد ۇلى الماتىنىڭ سپورتىن 2022 -جىلدىڭ مامىر ايىنان بەرى باسقارادى. وعان دەيىن الماتى قالاسى المالى اۋدانى اكىمىنىڭ ورىنباسارى بولىپ جۇمىس ىستەگەن.
اۆتور
كۇنسۇلتان وتارباي
