پاريج-2024: قازاقستاندىق مەرگەندەر وليمپيادانىڭ قولا جۇلدەسىن جەڭىپ الدى
پاريج. KAZINFORM - نىسانا كوزدەۋدەن پاريج وليمپياداسىندا ەل قورجىنىنا العاشقى جۇلدە ءتۇستى. پنيەۆماتيكالىق ۆينتوۆكامەن 10 مەترگە نىسانا كوزدەۋدەن ارالاس كوماندالىق سىندا يسلام ساتپايەۆ پەن الەكساندرا لە وليمپيادانىڭ قولا جۇلدەسىن جەڭىپ الدى.
العاش رەت وليمپيا ويىندارىنا قاتىسىپ تۇرعان يسلام ساتپايەۆ پەن الەكساندر لە جۇبى گەرمانيا قۇراماسىنان (اننا يانسەن، ماكسيميليان ۋلبريح) باسىم ءتۇستى.
ايتا كەتەيىك، ءبىزدىڭ مەرگەندەر ەرتەرەكتە ىرىكتەۋدە 630.1 ۇپاي جيناعان. يسلام مەن الەكساندرا دۋەتى بىلتىر حاڭجوۋدا وتكەن جازعى ازيا ويىندارىنىڭ قولا جۇلدەسىن ەنشىلەگەن.
ەسكە سالساق، وليمپيادادا قولا جۇلدە جەڭىپ العان قازاق سپورتشىلارى، سونداي- اق ولاردىڭ باپكەرلەرى مەملەكەتتەن 75 مىڭ ا ق ش دوللارىنان الادى. ال التىن ءۇشىن 250 مىڭ، كۇمىسكە 150 مىڭ دوللار قاراستىرىلعان.
اۆتور
كۇنسۇلتان وتارباي
