پاريج-2024: مۇحاممەدسابىر بازارباي ۇلى دا شيرەك فينالدان اسا المادى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا بوكستان ەرلەر اراسىندا مۇحاممەدسابىر بازارباي ۇلى شيرەك فينالداعى ايقاسىندا تورەشىلەر شەشىمىمەن جەڭىلىس تاپتى.

63,5 كەلىگە دەيىنگى سالماقتا سىنعا تۇسكەن وتانداسىمىز 1/4 فينالدا گرۋزيا بوكسشىسى لاشا گۋرۋليمەن قولعاپ تۇيىستىرگەن بولاتىن. اسا تارتىستى وتكەن كەزدەسۋدە قارسىلاسىنىڭ قوس قاباعىن جارىپ، قان-جوسا ەتتى. الايدا تورەشىلەر جەڭىستى قارسىلاسىنا بەردى.

ەستەرىڭىزگە سالا كەتەيىك، وسىعان دەيىن 92 كەلىگە دەيىنگى سالماقتا سىنعا تۇسكەن ايبەك ورالباي ازەربايجان بوكسشىسى لورەن بەرتو الفونسو دومينگەستەن ۇتىلىپ، پاريج وليمپياداسىن جۇلدەسىز اياقتادى.

سونىمەن قاتار  ايەلدەر اراسىندا نازىم قىزايباي ەكىنشى جەكپە-جەگىندە جەڭىسكە جەتىپ، شيرەك فينالعا شىقتى.

ايتا كەتسەك، قازاقستاندىق سپورتشىلار وليمپيادا ويىندارىندا سپورتتىڭ 25 تۇرىنەن سىنعا ءتۇسىپ جاتىر.

اۆتور

كۇنسۇلتان وتارباي