پاريج-2024: 30-شىلدەدە قازاقستاندىقتار قانداي ناتيجە كورسەتتى

استانا. قازاقپارات - 30-شىلدەدە پاريج وليمپياداسىندا قازاقستاندىق جەتى سپورتشى سپورتتىڭ بەس تۇرىنەن - ستەندتىك اتۋ، دزيۋدو، بوكس، سۋعا ءجۇزۋ جانە ساداق اتۋدان جارىس جولىنا شىقتى.

ستەند اتۋدان ايەلدەر اراسىنداعى ىرىكتەۋ كەزەڭىندە ماريا دميتريەنكو 73 ۇپايمەن ءتورتىنشى ورىن الدى.

ال بوكسشى نۇربەك ورالباي (80 كەلى) 1/8-اينالىمدا كاللۋم پيتەرستى (اۋستراليا) جەڭدى. وتە تارتىستى وتكەن جەكپە- جەكتە تورەشىلەر 3-2 ەسەبىمەن جەڭىستى قازاق بوكسشىسىنا بەردى.

ۇلتتىق قۇرامانىڭ سپورتشىسى ساكەن بيبوسىنوۆ (51 كەلى) العاشقى اينالىمدا تۇرىك بوكسشىسىن ايقىن باسىمدىقپەن جەڭىپ، شيرەك فينالعا جولداما الدى.

ال ادىلبەك مۋسين 100 مەترگە ەركىن ادىسپەن جۇزۋدە مارەگە سەگىزىنشى بولىپ جەتتى. ۋاقىت كورسەتكىشى - 49.92 سەكۋند.

دزيۋدودان 81 كەلى سالماقتاعى ابىلايحان جۇبانازار (63 كەلى)، ايەلدەر اراسىندا (63 كەلى) سالماقتا ەسميگۇل كۋيۋلوۆا (63 كەلى) ءبىرىنشى اينالىمدا جەڭىلىپ قالدى.

ساداق اتۋدان كوماندا كوشباسشىسى يلفات ابدۋللين پاريج وليمپياداسىنىڭ جەكەلەي سىنىنان شىعىپ قالدى.

وليمپيادانىڭ ءتورتىنشى جارىس كۇنىنەن كەيىن قازاقستان قۇراماسىنىڭ قورجىنىندا 1 التىن، 2 قولا جۇلدە بار، وسىلايشا مەدالدار كەستەسىندە 12- ورىنعا جايعاستى.

اۆتور

ءادىلجان ۇمبەت