كەي ادامداردىڭ مادەنيەتسىزدىگى ەلىمىزدىڭ حالىقارالىق ابىرويىنا نۇقسان كەلتىرىپ ءجۇر - پرەزيدەنت
«زاڭ جانە ءتارتىپ، ءوزارا تۇسىنىستىك، تىلەكتەستىك پەن جاۋاپكەرشىلىك بارىنەن بيىك تۇراتىن ءتيىمدى مەملەكەت بولامىز. قوعامدىق ءتارتىپتى بۇزاتىن كەز كەلگەن ارانداتۋشىلىق ارەكەتكە قاتاڭ توسقاۋىل قويۋ قاجەت. وكىنىشكە قاراي، قۇقىق قورعاۋ مەكەمەلەرى جانە ايماق باسشىلارى وسى جۇمىستى دۇرىس اتقارماي وتىر. باسقا سوزبەن ايتقاندا، زاڭ ۇستەمدىگىن قامتاماسىز ەتپەيدى. سونىڭ سالدارىنان قوعامىمىزدا ۇدايى كەلەڭسىز وقيعالار بولىپ جاتادى»، - دەدى قاسىم- جومارت توقايەۆ.
مىسالى، دالاداعى، كوشەدەگى ۆانداليزم، كەيبىر ازاماتتارىمىزدىڭ تارتىپسىزدىگى، مادەنيەتسىزدىگى، نەشە ءتۇرلى تۇرمىستىق جانجالدار ەلىمىزدىڭ حالىقارالىق ارەناداعى ابىرويىنا نۇقسان كەلتىرىپ ءجۇر.
«تاعى دا ايتامىن: ءبىزدىڭ نەگىزگى ماقساتىمىز - زاڭدى قاتاڭ ساقتاۋ، قوعامدىق ءتارتىپتى قامتاماسىز ەتۋ. ءبىز مادەنيەتتى، ءبىلىمدى، عىلىمدى دامىتۋ ارقىلى قازىرگى اشىق الەمنىڭ ءبىر بولشەگى بولۋعا ۇمتىلۋىمىز كەرەك»، - دەدى مەملەكەت باسشىسى.
اۆتور:
ايجان سەرىكجان قىزى
