تاجىكستاننىڭ ەلورداداعى كورمە- جارمەڭكەسى مەرزىمىنەن بۇرىن اياقتالدى

None
استانا. قازاقپارات - تاجىكستاننىڭ مادەني كۇندەرىن مەرەكەلەۋ اياسىندا EXPO الاڭىندا تاجىكستاننىڭ اۋىل شارۋاشىلىعى، ونەركاسىپ ونىمدەرى، ۇلتتىق قولونەر بۇيىمدارى جانە ۇلتتىق تاعامدارىنىڭ كورمە- جارمەڭكەسى ءوتتى.

ول ءوز جۇمىسىن ۋاقىتىنان بۇرىن اياقتادى. سەبەبى جەتكىزىلگەن ونىمدەر جىلدام ساتىلىپ كەتتى، دەپ حابارلايدى قازاقپارات قالا اكىمدىگىنە سىلتەمە جاساپ.

ەكى كۇن ىشىندە ءىس- شاراعا 100 مىڭنان استام ادام قاتىستى.

استاناعا ءوز تاۋارلارىمەن سوعدى وبلىسىنىڭ 300-گە جۋىق اۋىل شارۋاشىلىعى ءوندىرۋشىسى كەلدى.

كورمە- جارمەڭكەدە ولار 1000 توننادان استام ءونىم ساتتى.

ەلوردا قوناقتارى مەن تۇرعىندارىنا جەتكىزىلگەن ونىمدەردىڭ الۋان ءتۇرى ۇسىنىلدى.

اسسورتيمەنتتە جاڭا پىسكەن كوكونىستەر، جەمىستەر جانە باقشا داقىلدارى سياقتى اۋىل شارۋاشىلىعى تاۋارلارى بولدى.

بال، تاتتىلەر، ءتۇرلى سۋسىندار دا قولجەتىمدى بولدى.

جارمەڭكەدە قولونەر بۇيىمدارى، تابيعي ماتەريالداردان جاسالعان كادەسىيلار، كيىز، توقىما، توقىلعان جانە سوعىلعان ساندىك بۇيىمدار، سونداي- اق پىشاقتار مەن الەمگە ايگىلى تاجىك اتلاسى جانە ت. ب. بار.

سونداي- اق كەلۋشىلەرگە قىش جانە ۇستالاردىڭ تەمىردەن سوققان تۋىندىلارى، اعاش وڭدەۋ، كوركەم كەسكىندەمە، توقۋ جانە باسقا دا ەرەكشە تەحنيكالاردى قوسا العاندا، ۇلتتىق ەرەكشەلىكتەر كورسەتىلدى.

جارمەڭكەدەگى ەرەكشە ساتتەردىڭ ءبىرى - ارنايى كونسەرت ۇيىمداستىرىلىپ، وندا تاجىكستان رەسپۋبليكاسىنىڭ شەبەرلەرى ونەرىن پاش ەتتى.

سوڭعى جاڭالىقتار