ءاليحان سمايىلوۆ «اۋىل اماناتى» جوباسىنىڭ ىسكە اسىرىلۋ بارىسىمەن تانىستى

استانا. قازاقپارات - پرەمەر-مينيستر ءاليحان سمايىلوۆ اقتوبە وبلىسىنا جۇمىس ساپارى بارىسىندا اۋىل تۇرعىندارىنىڭ تابىسىن ارتتىرۋعا باعىتتالعان «اۋىل اماناتى» جوباسىنىڭ ىسكە اسىرىلۋ بارىسىمەن تانىستى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ.

اقتوبە وبلىسىنىڭ اكىمى ەرالى توعجانوۆ ۇكىمەت باسشىسىنا وڭىردە «اۋىل اماناتى» باعدارلاماسىنىڭ قالاي ىسكە اسىرىلىپ جاتقانى تۋرالى ەگجەي- تەگجەيلى ايتىپ بەردى. قازىر ءوڭىر تۇرعىندارى «اۋىل اماناتى» اياسىندا 6,5 ميلليارد تەڭگە سوماعا 1486 جوبانى قارجىلاندىرۋعا ءوتىنىم بەردى. 1389 جوبا ماقۇلدانىپ، ونىڭ 930 ى 4 ميلليارد تەڭگەگە قارجىلاندىرىلدى. ناتيجەسىندە 1122 جاڭا جۇمىس ورنى قۇرىلدى، 103 مىڭنان استام قۇس ساتىپ الىندى، 48 جىلىجاي سالىندى. 146 گەكتار القاپقا كارتوپ جانە باسقا دا كوكونىستەر ەگىلدى. سونداي-اق اۋىلدا 389 جاڭا شاعىن بيزنەس نىسانى اشىلدى (ناۋبايحانا، ەت، ءسۇت وڭدەۋ بويىنشا شاعىن سەحتار جانە ت. ب.).

پرەمەر-مينيستر ازاماتتاردىڭ ءال-اۋقاتىن ارتتىرۋ ۇكىمەتتىڭ نەگىزگى مىندەتتەرىنىڭ ءبىرى ەكەنىن اتاپ ءوتتى.

«اۋىل اماناتى» جوباسىن ىسكە اسىرۋ تاجىريبەسى بارلىق وڭىرگە كەڭىنەن تارالۋى ءتيىس. بيىل وعان 100 ميلليارد تەڭگە ءبولىندى. سونىڭ ەسەبىنەن اۋىلدا كوپتەگەن كاسىپكەرلىك باستامانى قولداۋ جوسپارلانىپ وتىر. كەلەسى جىلى تاعى 100 ميلليارد تەڭگە بولەمىز. جوبانىڭ ارقاسىندا اۋىلدىق ەلدى مەكەندەردە ءومىر ءسۇرۋ دەڭگەيى ايتارلىقتاي جاقسارماق. اقتوبە وبلىسى - جوبانى ىسكە اسىرۋ بويىنشا جەتەكشى وڭىرلەردىڭ ءبىرى. وسى قارقىنمەن بۇل جۇمىستى جالعاستىرۋ قاجەت»، - دەدى ءاليحان سمايىلوۆ.

سونىمەن قاتار اقتوبە وبلىسىندا كەپىلگە قوياتىن مۇلكى جوق از قامتىلعان وتباسىلاردى قولداۋ ءۇشىن تاۋارلىق نەسيە بەرۋ تەتىگى ەنگىزىلدى.