رەسەي ارناۋلى قىزمەتتەرى ياندەكستەن قازاقستاندىقتار تۋرالى دەرەكتەر الا ما

استانا. قازاقپارات - سيفرلىق دامۋ جانە اەروعارىش ونەركاسىبى مينيسترلىگى رەسەيدىڭ فەدەرالدىق قاۋىپسىزدىك قىزمەتى قازاقستانداعى «ياندەكس. تاكسي» دەرەكتەرىن تاۋلىك بويى الىپ وتىرادى دەلىنگەن اقپاراتقا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«بۇگىندە قازاقستان رەسپۋبيلكاسىنىڭ ازاماتتارىنىڭ ءوزىنىڭ قالاۋىمەن شەتەلدىك سەرۆيستەردى دەربەس قولدانۋعا قۇقىعى بار. دەگەنمەن، قازاقستان رەسپۋبليكاسىنىڭ «جەدەل ىزدەستىرۋ قىزمەتى تۋرالى» زاڭىنىڭ 8-بابىنا سايكەس، جەدەل ىزدەستىرۋ قىزمەتىن جۇزەگە اسىراتىن وكىلەتتى ورگاندار قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن كوممەرتسيالىق، بانكتىك جانە زاڭمەن قورعالاتىن وزگە دە قۇپيالاردى قۇرايتىن مالىمەتتەردى جاريا ەتپەۋ تالابىمەن وزگە ۇيىمداردان جەدەل ىزدەستىرۋ قىزمەتى مىندەتتەرىن شەشۋدە ماڭىزعا يە اقپاراتتاردى قايتارىمسىز الۋعا جانە پايدالانۋعا قۇقىلى»، - دەلىنگەن مينيسترلىك اقپاراتىندا.

ۆەدومستۆونىڭ اتاپ وتۋىنشە، مۇنداي تالاپ بۇكىل ەلدە، ونىڭ ىشىندە رەسەي فەدەراتسياسىندا دا بار.

اقپاراتتىق قىزمەتتىڭ دەرەگىنە سايكەس، قازاقستاندىق «ياندەكس. تاكسي» كومپانياسى رەسەيلىك ارناۋلى قىزمەت وزدەرىنىڭ قولدانۋشىلارى دەرەكتەرىن الا الادى دەگەن اقپاراتتى جوققا شىعاردى.

«رەسەي زاڭناماسى قازاقستانداعى سەرۆيسكە جانە ونىڭ قولدانۋشىلارىنا جۇرمەيدى. ويتكەنى، ولار رەسەيدەن تىس جەردە ساپار جاسايدى جانە قوسىمشانى قولدانادى. بۇل 1- قىركۇيەكتەن كەيىن دە وزگەرمەيدى. قازاقستانداعى قولدانۋشىلارعا ياندەكس Go قىزمەتىن ۇسىناتىن قازاقستاندىق «ياندەكس. تاكسي كورپ» ج ش س قولدانۋشىلاردىڭ دەربەس دەرەكتەرىن رەسپۋبليكا زاڭناماسىنا ساي وڭدەيدى. سونىمەن قاتار، دەرەك سۋبەكتىلەرىنىڭ كوزدەلگەن بارلىق قۇقىعىن قامتاماسىز ەتەدى»، - دەپ سەندىرەدى كومپانيادان.

قازاقستانداعى سەرۆيستىڭ قىزمەتىمەن بايلانىستى دەرەكتەر شەتەلدىك (ونىڭ ىشىندە رەسەيلىك) وكىلەتتى مەملەكەتتىك ورگاندار تاراپىنان رەسمي ساۋال ارقىلى جانە بەلگىلەنگەن حالىقارالىق پروەدۋرالار اياسىندا عانا سۇرالۋى مۇمكىن.

بۇعان دەيىن قازاقستاندىق ينتەرنەت قولدانۋشىلار كومپانيانىڭ دومەندىك پاراقشاسىنا كىرۋ مۇمكىن ەمەستىگىن اتاپ وتكەن بولاتىن. وسى جايتقا بايلانىستى دا سيفرلىق دامۋ مينيسترلىگى پىكىر بىلدىرگەن ەدى.

«مينيسترلىك زاڭ بۇزۋشى دومەندەردىڭ جۇمىس ىستەۋىنە تولىقتاي تىيىم سالۋ ماقساتىن العا قويىپ وتىرعان جوق. بۇل رەتتە زاڭنامانى بۇزعان دومەنگە كىرۋگە ۋاقىتشا شەكتەۋ قويۋ تەتىگى قولدانلادى. جۇرگىزىلگەن ءىس-شارالاردىڭ ناتيجەسىندە ياندەك كومپانياسىنان دومەنىن ەل اۋماعىنا كوشىرۋ مەرزىمىن ۇزارتۋ تۋرالى حات كەلدى»، - دەدى مينيسترلىكتىڭ باسپا ءسوز قىزمەتىنەن.

سونىمەن قاتار، ۆەدومستۆو حابارلاماسىنا قاراعاندا، ياندەكس كومپانياسى قازاقستان زاڭناماسىنىڭ بارلىق تالاپتارىن ورىنداۋعا دايىن ەكەندىگىن بىلدىرگەن.

«دومەنگە كىرۋگە ۋاقىتشا شەكتەۋ وسى جىلدىڭ 25- شىلدەسىندەگى مينيسترلىكتىڭ ساۋالىنا جاۋاپتىڭ ۇسىنباۋى سالدارىنان قولدانىلدى»، - دەدى مينيسترلىكتەن.