الماتىدا قوعامدىق كولىكتە جولاقى قىمباتتايتىن بولدى
سپيكەردىڭ سوزىنشە، تاسىمالداۋشىلاردىڭ شىعىنى ارتقانىنا قاراماستان، الماتىدا جول ءجۇرۋ قۇنى 11 جىلدان استام ۋاقىت بويى وزگەرمەگەن.
«اعىمداعى تاريف تاسىمالداۋشىلاردىڭ شىعىنىن وتەمەيدى. سەبەبى، جول ءجۇرۋدىڭ ناقتى قۇنى بەكىتىلگەننەن 3 ەسە قىمبات. وسىعان بايلانىستى اكىمدىك اي سايىن تاسىمالداۋشىلاردىڭ شىعىستارىن سۋبسيديا تۇرىندە جاۋىپ كەلەدى. 2020-2022 -جىلدارى تولەنگەن سۋبسيديالار سوماسى 115,8 ميلليارد تەڭگەنى قۇرادى. ينفلياتسيانىڭ، جانار- جاعار ماي باعاسىنىڭ ءوسۋى مەن قوسالقى بولشەكتەردىڭ شىعىنىن ەسكەرە وتىرىپ، تولەنەتىن سۋبسيديالار سوماسى جىل سايىن 10 نان %30 دەيىن ۇلعايادى» ، - دەدى اسقار ءامرين.
ول سونداي- اق جولاۋشىلار ءۇشىن قوعامدىق كولىكتە جول ءجۇرۋ قۇنى 20 تەڭگەگە ارتاتىنىن ءمالىم ەتتى.
«قولما- قول اقشاسىز تولەممەن - 100 تەڭگە، قولما- قول تولەممەن 200 تەڭگە مولشەرىندە جاڭا تاريفتەردى قولدانۋ - بيىلعى جىلى سۋبسيديالار سوماسىن شامامەن 10 ميلليارد تەڭگەگە تومەندەتۋگە مۇمكىندىك بەرەدى. ولاردى باسقا دا الەۋمەتتىك ماڭىزى بار جوبالارعا قايتا بولۋگە بولادى»، - دەدى الماتى قالاسى اكىمىنىڭ ورىنباسارى اسقار ءامرين.
ايتا كەتەيىك، «الماتى كولىك حولدينگى» ج ش س دەرەگىنە سۇيەنسەك، جولاۋشىلاردىڭ شامامەن %97 جول ءجۇرۋ اقىسىن «وڭاي» كارتاسىمەن، ونىڭ ىشىندە «وڭاي» قوسىمشاسىندا QR كود نەمەسە SMS حابارلاما ارقىلى تولەيدى. جالپى، قوعامدىق كولىكتى كۇنىنە 1,4 ميلليونعا دەيىن ادام پايدالانادى.
