قازاقستاننىڭ ساۋدا ءمينيسترى قىتايعا ساپارلايدى
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ اپتالىق بريفينگىدە ايتتى، دەپ حابارلايدى قازاقپارات.
«2023 -جىلعى 13-17-تامىزدا تاۋار اينالىمىن ۇلعايتۋ جانە قىتاي تاراپىمەن ساۋدا- ەكونوميكا بايلانىستارىن جولعا قويۋ ماقساتىندا ق ر پرەمەر- ءمينيسترىنىڭ ورىنباسارى - ساۋدا جانە ينتەگراتسيا ءمينيسترى سەرىك ءجۇمانعاريننىڭ قىتاي حالىق رەسپۋبليكاسىنىڭ - شىنجىن، شاندۋڭ، بەيجىڭ جانە ءۇرىمجى قالالارىنا جۇمىس ساپارى جوسپارلانۋدا»، - دەدى رەسمي وكىل.
ساپار اياسىندا بىرلەسكەن كاسىپورىندار قۇرۋ، ەت ونىمدەرىنىڭ ەكسپورتىن ۇلعايتۋ، ينۆەستيتسيالار تارتۋ جانە كولىك- لوگيستيكا ىنتىماقتاستىعى سالاسىندا ەكىجاقتى كەلىسسوزدەر جۇرگىزۋ جوسپارلانۋدا.
سونىمەن بىرگە قازاقستاندىق دەلەگاتسيا ءۇرىمجى قالاسىندا وتەتىن «قىتاي- ەۋرازيا» ەكسپو حالىقارالىق كورمەسىنە بارادى.
بۇعان دەيىن ايبەك سمادياروۆ قىتايمەن ۆيزاسىز رەجيم ءالى ورناماعانىن، بۇل شەشىم جىل سوڭىنا دەيىن قابىلدانۋى مۇمكىن ەكەنىن ايتقان ەدى.
