قازاقستاندا شىعاتىن تاۋارلاردىڭ ءبىرىڭعاي ءتىزىلىمى جاسالادى

استانا. قازاقپارات – ق ر پرەمەر-ءمينيسترى ءاليحان سمايىلوۆ وتاندىق تاۋار وندىرۋشىلەردى مەملەكەتتىك قولداۋ تەتىكتەرىنىڭ تيىمدىلىگىن ارتتىرۋ ماسەلەلەرى بويىنشا كەڭەس وتكىزدى، دەپ حابارلايدى primeminister.kz.
None

جيىنعا قاتىسۋشىلار تاۋاردىڭ قازاقستاننان شىققانىن راستاۋدىڭ جاڭا تاسىلدەرىن قاراستىردى.

وسىلايشا جەتكىزۋشىلەر ءتۇرلى مەملەكەتتىك قولداۋ شارالارىنا ۇمىتكەر بولا الاتىن وتاندىق تاۋارلاردىڭ ءبىرىڭعاي ءتىزىلىمىن قالىپتاستىرۋ جانە جۇرگىزۋ ۇسىنىلادى.

ءتيىستى وندىرىستىك جانە تەحنولوگيالىق شارتتاردىڭ، ماسەلەن، كونسترۋكتورلىق قۇجاتتامانىڭ، وندىرىستىك الاڭداردىڭ، جابدىقتاردىڭ، بىلىكتى مامانداردىڭ جانە ت. ب. بولۋىن ءبىر رەت راستاۋ ارقىلى تىزىلىمگە كىرۋگە بولادى.

مۇنداي ءتاسىل تاۋاردىڭ شىعارىلعان ەلىن ايقىنداۋ تۋرالى اقىلى سەرتيفيكاتتار بەرۋدى، سونداي-اق يمپورتتالاتىن تاۋارلار وندىرۋشىلەردىڭ مەملەكەتتىك قولداۋ شارالارىن الۋ شارتتارىن الىپ تاستاۋعا مۇمكىندىك بەرەدى دەپ كۇتىلۋدە.

سونىمەن قاتار ءبىرقاتار پروتسەستى اۆتوماتتاندىرۋ مەن سيفرلاندىرۋ ارقىلى ءوز ونىمدەرىن باسقا ەلدەرگە ەكسپورتتايتىن وتاندىق كومپانيالارعا تۇسەتىن جۇكتەمەنىڭ ازايۋى مۇمكىن.

جالپى، قازاقستاندىق تاۋارلاردىڭ شىعۋ تەگىن بەلگىلەۋ تيىمدىلىگىن ارتتىرۋ مەملەكەتتىك قولداۋ شارالارىن وتاندىق ادال وندىرۋشىلەرگە باعىتتاۋعا، لوكاليزاتسيانىڭ دامۋىن ىنتالاندىرۋعا، رەسپۋبليكاداعى وندىرىستىك قۋاتتاردى جاڭعىرتۋعا جانە كەڭەيتۋگە، ءارتۇرلى تاۋارلارعا باعا بەلگىلەۋدىڭ اشىقتىعىن ارتتىرۋعا، ت. ب. مۇمكىندىك بەرەدى.

پرەمەر-مينيستر جاڭا جۇيەنى ازىرلەۋدى «اتامەكەن» ۇ ك پ جانە سالالىق قاۋىمداستىقتارمەن تىعىز ىنتىماقتاستىقتا جالعاستىرۋ كەرەكتىگىن اتاپ ءوتتى.

«بيزنەسكە قاتىسۋىن قوسىمشا ءۇزىندى كوشىرمەلەرمەن راستاۋ تالاپ ەتىلمەۋى ءۇشىن ءتىزىلىمدى مەملەكەتتىك ورگانداردىڭ دەرەكقورلارىمەن بىرىكتىرۋدى قامتاماسىز ەتۋ قاجەت. جالپى، ءتىزىلىم تاۋاردىڭ شىعۋ تەگى تۋرالى سەنىمدى اقپارات بەرەتىن ءبىرىڭعاي دەرەككوزىنە اينالۋعا جانە ادال بيزنەستىڭ مۇددەسى ءۇشىن جۇمىس ىستەۋى كەرەك»، — دەدى ءاليحان سمايىلوۆ.


سوڭعى جاڭالىقتار