اسكەرگە بارماعاندارعا اسكەري بيلەت تەك سيفرلىق نۇسقادا ۇسىنىلادى - مينيسترلىك

استانا. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە قورعانىس ءمينيسترىنىڭ ورىنباسارى دارحان احمەديەۆ اسكەرگە بارماعان ازاماتتارعا اسكەري بيلەت ونلاين فورماتتا ۇسىنىلاتىنىن ايتتى، دەپ حابارلايدى قازاقپارات ءتىلشىسى.

«مەرزىمدى اسكەري مىندەتىن وتەمەگەن ازاماتتار اسكەري بيلەتتەردى كوميسسارياتتارعا بارىپ الۋدان بوساتىلادى. ەندى ولار قاعاز كۇيىندە ەمەس، سيفرلىق نۇسقادا ۇسىنىلادى. بۇل بيۋجەت قاراجاتىن ۇنەمدەيدى جانە سىبايلاس جەمقورلىق تاۋەكەلدەرىن ايتارلىقتاي تومەندەتەدى. مىسالى، قازىر اسكەرگە بارماعاندار كوميسسارياتتارعا كەلىپ، اسكەري بيلەتتەرىن الىپ كەتەدى. سونىمەن قاتار، اسكەري بيلەتتەر جوعالعان كەزدە ولارعا ايىپپۇل سالىنادى. سوندىقتان ءبىز اتالعان پروتسەستەردىڭ بارلىعىن الىپ تاستايمىز»، - دەپ ءتۇسىندىردى دارحان احمەديەۆ و ك ق- وتكەن بريفينگىندە.

ياعني، مەرزىمدى اسكەري مىندەتىن وتكەرمەگەن ازاماتتىڭ جەكە كابينەتىندە ونىڭ اسكەري بيلەتى ەلەكتروندىق نۇسقادا كورسەتىلەدى. ءمينيستردىڭ ورىنباسارى اتاپ وتكەندەي، قازىر بۇل ۇسىنىستى ىسكە اسىرۋ ءۇشىن قازىر زاڭناماعا ءتيىستى وزگەرىس ەنگىزۋ جۇمىستارى قولعا الىنعان.

سونداي-اق، سپيكەر 17 جاستاعى بالالاردى اۆتوماتتى تۇردە اسكەري ەسەپكە قويۋدان 1 ميلليارد تەڭگە ۇنەمدەلەتىنىن ايتتى.

بۇعان قوسا، اسكەردەن جالتارۋ ءۇشىن جالعان انىقتاما جاساعاندار انىقتالعان.