ۇكىمەت كولەڭكەلى ەكونوميكاعا قارسى ءىس-قيمىل شارالارىنىڭ كەشەندى جوسپارىن بەكىتتى
جوسپاردى قارجىلىق مونيتورينگ اگەنتتىگى مۇددەلى مەملەكەتتىك ورگاندارمەن بىرلەسىپ ازىرلەدى. ءتيىستى قاۋلىعا پرەمەر-مينيستر ءاليحان سمايىلوۆ قول قويدى.
جوسپار سالىقتىق جانە كەدەندىك اكىمشىلەندىرۋدى جەتىلدىرۋگە، ءتيىمدى باسەكەلەستىك پەن بيۋجەتتى بولۋگە، حالىقتى زاڭسىز بيزنەستەن قورعاۋعا جانە ت. ب. باعىتتالعان جۇيەلى شارالاردى جۇزەگە اسىرۋدى كوزدەيدى. اتاپ ايتقاندا، ىسكە اسىرىلىپ جاتقان شارالار كەدەندىك تەكسەرۋلەردىڭ تيىمدىلىگىن ارتتىرۋعا، كەدەندىك راسىمدەردى وڭتايلاندىرۋعا جانە اكىمشىلىك قۇقىق بۇزۋشىلىقتار بويىنشا قوسىمشا شارالار ازىرلەۋگە مۇمكىندىك بەرەدى. ماسەلەن، 2025-جىلعا قاراي كوتەرمە جانە بولشەك ساۋداداعى كولەڭكەلى اينالىمدى %5 عا دەيىن تومەندەتۋ جوسپارلانىپ وتىر. 2022-جىلى بۇل كورسەتكىش %6,7 بولدى.
كولىك جانە قويمالاۋ سالاسىندا %2,4 (2022-جىلى - %3,2) كورسەتكىشكە قول جەتكىزۋ جوسپارلانعان. جوسپاردى ىسكە اسىرۋ بەيرەسمي جۇمىسپەن قامتۋدى ازايتۋدى جانە زاڭسىز ارەكەتتەردىڭ جولىن كەسۋدى كوزدەيدى.
ەلدىڭ ج ءى ءو- دەگى شاعىن جانە ورتا بيزنەستىڭ ۇلەسىن 2022-جىلعى %36 دان 2025-جىلى %37,5 عا دەيىن ارتتىرۋ جوسپارلانىپ وتىر. كەشەندى جوسپار پرەزيدەنتتىڭ سايلاۋالدى باعدارلاماسىن جۇزەگە اسىرۋ شەڭبەرىندە ازىرلەندى.
