16:13, 25 - شىلدە 2023 | GMT +5
ينتەرنەت ساپاسىنىڭ ناشارلايتىنى الدىن الا نەگە ەسكەرتىلمەيدى - مينيستر جاۋابى
استانا. قازاقپارات - ۇيالى بايلانىستا تەحنيكالىق اقاۋ 5 مينۋتتان اسقان جاعدايدا، بايلانىس وپەراتورلارى بۇل تۋرالى ب ا ق ارقىلى اقپاراتتاندىرۋعا مىندەتتەلمەك.

بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى قازاقپارات ءتىلشىسى.
ۇكىمەت وتىرىسىنان كەيىن ب ا ق وكىلدەرى باعدات مۋسيننەن سوڭعى ۋاقىتتا ينتەرنەتتىڭ ءجيى ناشارلايتىنى جانە نەلىكتەن ول تۋرالى الدىن الا ابونەنتتەرگە ەسكەرىلمەيتىنى تۋرالى سۇرادى.
«قازاق تەلەكوم» - جەكە ۇيىم. ءبىز - رەتتەۋشى ورگانبىز. مەنىڭ دە «قازاق تەلەكومعا» قاتىستى نارازىلىعىم بولدى. سوندىقتان ينتەرنەت ساپاسى بويىنشا قازىرگى جاعدايدى الىپ قاراساق، زاڭنامالىق تۇزەتۋلەر ەنگىزۋىمىز كەرەك شىعار. وپەراتورلاردى 5 مينۋتتان ارتىق ىستەن شىققان جاعدايدا ب ا ق ارقىلى حابارلاۋىن مىندەتتەيمىز. بۇنى بىرگە ىستەيىك، مەن - دايىنمىن»، - دەپ جاۋاپ بەردى ۆەدومستۆو باسشىسى.