مەملەكەتتىك كۇزەت قىزمەتى ەندى نازاربايەۆتىڭ قاۋىپسىزدىگىنە جاۋاپ بەرمەيدى - جارلىق
استانا. قازاقپارات - مەملەكەت باسشىسى قاسىم-جومارت توقايەۆ «ق ر مەملەكەتتىك كۇزەت قىزمەتى جونىندەگى ەرەجەنى بەكىتۋ تۋرالى» جارلىققا قول قويدى، دەپ حابارلايدى قازاقپارات ءتىلشىسى.
جاڭا وزگەرىسكە ساي، مەملەكەتتىك كۇزەت قىزمەتىنىڭ (م ك ق) باستى فۋنكتسياسى قاتارىنان ق ر تۇڭعىش پرەزيدەنتى - ەلباسىنىڭ قاۋىپسىزدىگىن قامتاماسىز ەتۋ مىندەتى الىنىپ تاستالدى.
«مىندەتتەرى - قازاقستان رەسپۋبليكاسى پرەزيدەنتىنىڭ جانە باسقا دا كۇزەتىلەتىن ادامداردىڭ قاۋىپسىزدىگىن قامتاماسىز ەتۋ»، - دەلىنگەن جاڭا رەداكتسيادا.
جارلىق العاش رەسمي جاريالانعاننان 10 كۇن ءوتىپ بارىپ، 3- تامىزدا كۇشىنە ەنەدى.
بۇعان دەيىن م ك ق- دەن نۇرسۇلتان نازاربايەۆتىڭ قاۋىپسىزدىگىن قامتاماسىز ەتۋ مىندەتى «ق ر تۇڭعىش پرەزيدەنتى - ەلباسى تۋرالى» ق ر كونستيتۋتسيالىق زاڭىنىڭ كۇشى جويىلۋىنا بايلانىستى الىنىپ تاستالۋى مۇمكىن ەكەندىگى حابارلانعان ەدى.
