پرەزيدەنت ەلوردانى كوگالداندىرۋدا تورونتو، وتتاۆا، حەلسينكي تاجىريبەسىن قولدانۋدى ۇسىندى

«قالانى كوگالداندىرۋ ۇلكەن ماڭىزعا يە، استانادا بۇل سالادا پروبلەمالار بار. ءتىپتى، ماڭگىلىك ەل داڭعىلىندا جاسىل جەلەك جەتىسپەيتىندىكتەن، باسقا كوشەلەر تۋرالى نە ايتۋعا بولادى. ماۋسىمدىق وسىمدىكتەردى وتىرعىزۋ تاجىريبەسىنەن الشاقتاپ، كوپجىلدىق وسىمدىكتەردى بەلسەندى وتىرعىزۋ كەرەك. بۇل رەتتە ەلوردانىڭ قاتال كليماتىن ەسكەرۋ، عىلىمي قوعامداستىقتىڭ الەۋەتىن جانە ۇزدىك الەمدىك تاجىريبەنى جۇمىلدىرۋ ماڭىزدى»، - دەدى پرەزيدەنت.

قاسىم- جومارت توقايەۆ كوگالداندىرۋ قۇرىلىس قارقىنىنا سايكەس جۇرگىزىلۋى كەرەكتىگىن باسا ايتتى.

«نەگىزىندە، تورونتودا، وتتاۆادا كليماتتىق ايماق استانامەن سايكەس كەلەدى. ولار - جاراسىمدى كورىنەتىن جاسىل قالالار. كانادا تاجىريبەسىن پايدالانۋ كەرەك. مۇندا قۇرىلىسشىلاردىڭ ءوزىن بەلسەندى تۇردە تارتۋ كەرەك. مىسالى، حەلسينكيدە قۇرىلىسشىلاردى قۇرىلىستان كەيىن بىردەن ىرگەلەس اۋماقتاردى كوگالداندىرۋعا مىندەتتەيدى. ءدال وسى تاجىريبەنى ءبىز دە قولدانۋىمىز كەرەك. گەرمانيادا ءتىپتى «ءبىر مەزگىلدە» پرينتسيپىنە نەگىزدەلگەن «كوگالداندىرۋ كودەكسى» قابىلدانعان. ياعني، قۇرىلىسشى قۇرىلىس الاڭىنا تەڭ جەر ۋچاسكەسىن كوگالداندىرۋعا مىندەتتى. مۇنداي ءتاسىل جاقسى جۇمىس ىستەيدى»، - دەدى مەملەكەت باسشىسى.