پرەزيدەنت «سامۇرىق- قازىنا» ا ق باسقارما ءتوراعاسى نۇرلان جاقىپوۆتى قابىلدادى

كەزدەسۋ بارىسىندا «سامۇرىق- قازىنا» اكسيونەرلىك قوعامىن ودان ءارى دامىتۋ پەرسپەكتيۆالارى قاراستىرىلدى.

مەملەكەت باسشىسىنا قور توبى اكتيۆتەرىنىڭ قۇنىن كوتەرۋ جولدارى تۋرالى مالىمەت بەرىلدى.

اتاپ ايتقاندا، كورپوراتيۆتىك باسقارۋ ەسەبىنەن پورتفەلدى كومپانيالاردىڭ تيىمدىلىگىن ارتتىرۋ، «تاريفتى ينۆەستيتسياعا ايىرباستاۋ» باعدارلاماسىن ىسكە اسىرۋ، شاعىن جانە ورتا بيزنەستى قولداۋ جانە ساتىپ الۋلاردىڭ اشىقتىعى ەسەبىنەن يمپورتتى الماستىرۋ، سونداي- اق شەتەلدىك سەرىكتەستەرمەن بىرلەسىپ ينۆەستيتسيا قۇيۋ ماسەلەلەرى قارالدى.

سونىمەن قاتار پرەزيدەنتكە قور قىزمەتىنىڭ كۇتىلەتىن ناتيجەسى، ماڭىزدى جوبالار مەن جەكەشەلەندىرۋ باعدارلاماسىنىڭ ىسكە اسىرىلۋ بارىسى جونىندە باياندالدى.

كەزدەسۋ سوڭىندا قاسىم- جومارت توقايەۆ ينۆەستيتسيالىق جوبالاردى ۋاقىتىلى ىسكە اسىرۋعا، قوردىڭ قۇرامىنداعى كومپانيالار توبى قىزمەتىنىڭ تيىمدىلىگىن جەتىلدىرۋگە قاتىستى ناقتى تاپسىرمالار بەردى.