مەملەكەت باسشىسى يۋري پيانى قابىلدادى
استانا. قازاقپارات - مەملەكەت باسشىسى University Medical Center كورپوراتيۆتىك قورىنىڭ باسقارما ءتوراعاسى يۋري پيانى قابىلدادى، دەپ حابارلايدى قازاقپارات اقورداعا سىلتەمە جاساپ.
پرەزيدەنتكە University Medical Center كورپوراتيۆتىك قورى قىزمەتىنىڭ ناتيجەسى مەن الداعى جوسپارى تۋرالى باياندالدى. مەملەكەت باسشىسىنا مەكەمە نەگىزىندە العاشقى ينتەگراتسيالانعان اكادەميالىق مەديتسينالىق ورتالىق قۇرۋ ارقىلى UMC ءدى ترانسفورماتسيالاۋ بارىسى تۋرالى مالىمەت بەرىلدى. نەگىزگى ماقسات - ءبىلىم بەرۋ، زەرتتەۋ ءىسىن جانە كلينيكالىق تاجىريبەنى توعىستىرا وتىرىپ، مەديتسينالىق قىزمەت ساپاسىن جاقسارتۋ.
يۋري پيا قاسىم- جومارت توقايەۆقا زامان تالابىنا ساي دارىگەرلەردى دايارلاۋ ءۇشىن قوردىڭ جۇزەگە اسىرىپ جاتقان شارالارى تۋرالى ايتتى. سونداي- اق، ەلىمىزدەگى مەديتسينالىق ءبىلىم بەرۋ ءىسىن جەتىلدىرۋ پەرسپەكتيۆالارى تۋرالى كوزقاراسىن جەتكىزدى. كەزدەسۋ بارىسىندا وتاندىق دەنساۋلىق ساقتاۋ جۇيەسىنىڭ تۇيتكىلدى ماسەلەلەرى، سونىڭ ىشىندە قولدانىستاعى ينفراقۇرىلىمدى ءتيىمدى پايدالانۋ جانە قازاقستاندا مەديتسينالىق كومەك كورسەتۋ ساپاسىن ارتتىرۋ شارالارى تالقىلاندى.
