ەكولوگيا مينيسترلىگى سۋ شارۋاشىلىعىنا سيفرلىق تەحنولوگيالاردى ەنگىزۋدى جەدەلدەتۋى قاجەت - ءاليحان سمايىلوۆ
استانا. قازاقپارات - ۇكىمەتتە ق ر پرەمەر-ءمينيسترى ءاليحان سمايىلوۆتىڭ توراعالىعىمەن قازاقستان سۋ كەڭەسىنىڭ كەزەكتى وتىرىسى ءوتتى، دەپ حابارلايدى primeminister.kz.
قاتىسۋشىلار سۋ رەسۋرستارىن پايدالانۋ جانە قورعاۋ بويىنشا قۇزىرلى ورگاننىڭ جانە باسسەيندىك ينسپەكسيالاردىڭ تيىمدىلىگىن ارتتىرۋ، ءتيىستى مامانداردى دايارلاۋ جانە جالپى سۋ ديپلوماتياسىن نىعايتۋ ماسەلەلەرىن قاراستىردى.
بۇدان بولەك، سۋ رەسۋرستارى بويىنشا جەتەكشى عىلىمي جانە ءبىلىم بەرۋ ۇيىمدارىنىڭ كونسورتسيۋمىن قۇرۋ جوسپارلارى قاراستىرىلدى.
اتاپ ايتقاندا، بۇل عىلىمي ورتالىق جۇمىسى بارلىق مامانداندىرىلعان ينستيتۋتتاردىڭ الەۋەتىن سالالىق دامۋ باعدارلامالارىن ازىرلەۋگە بىرىكتىرۋگە مۇمكىندىك بەرەتىنى ايتىلدى.
ءاليحان سمايىلوۆ ەكولوگيا مينيسترلىگىنە سۋ شارۋاشىلىعى سالاسىنا سيفرلىق تەحنولوگيالار مەن تاۋەكەلدەردى باسقارۋدىڭ اۆتوماتتاندىرىلعان جۇيەلەرىن (ت ب ج) ەنگىزۋدى جەدەلدەتۋ قاجەتتىگىن باسا ايتتى.
بۇل مونيتورينگ پەن جاۋاپتى ماماندار جۇمىسىنىڭ تيىمدىلىگىن ارتتىرادى، سونداي-اق سۋ رەسۋرستارىن ۇتىمدى پايدالانۋعا مۇمكىندىك بەرەدى.
كەڭەس قورىتىندىسى بويىنشا پرەمەر-مينيستر قۇزىرلى مەملەكەتتىك ورگاندارعا گيدروگەولوگيالىق زەرتتەۋلەردى دامىتۋ باعدارلاماسىن ازىرلەۋدى، جەراستى سۋىنىڭ مونيتورينگىن اۆتوماتتاندىرۋ جانە باسقا دا گەواقپاراتتىق تەحنولوگيالاردى ەنگىزۋ بويىنشا ۇسىنىستار دايىنداۋدى تاپسىردى.
