بۇگىن وتەتىن قاۋىپسىزدىك كەڭەسىنىڭ وتىرىسىندا قانداي ماسەلەلەر تالقىلانادى
استانا. قازاقپارات - مەملەكەت باسشىسى رەسەيدەگى اسكەري-ساياسي احۋالدىڭ شيەلەنىسۋىنە بايلانىستى 24-ماۋسىمدا كۇنى بويى بارلىق مۇددەلى ۆەدومستۆو باسشىلارىمەن شۇعىل بايلانىستا بولدى، دەپ حابارلايدى قازاقپارات.
ق ر پرەزيدەنتىنىڭ باسپا ءسوز حاتشىسى رۋسلان جەلدىبايدىڭ حابارلاۋىنشا، پرەزيدەنت قاۋىپسىزدىك كەڭەسىنىڭ تاڭەرتەڭ وتەتىن كەزەكتەن تىس وتىرىسىندا ءوزى بەرگەن تاپسىرمالار بويىنشا اتقارىلعان جۇمىستار جونىندە وسى ۆەدومستۆولاردىڭ ەسەبىن تىڭداپ، قازاقستان ەكونوميكاسىنىڭ تۇراقتى دامۋىن، سونداي-اق ازاماتتاردىڭ قاۋىپسىزدىگى مەن اماندىعىن قامتاماسىز ەتۋگە باعىتتالعان شۇعىل ءىس-قيمىل جوسپارىن ماقۇلدايدى.
وسىعان دەيىن قاسىم-جومارت توقايەۆتىڭ قاۋىپسىزدىك كەڭەسىنىڭ كەزەكتەن تىس وتىرىسىن وتكىزەتىنى حابارلاندى.
